Оқи отырыңыз

Тілмен байланған қолмен шешілмес.

Автор: Француз мақалы

— Редактор бағаны —

Бір жылдан кейін орындалған аманат...
Бір жылдан кейін орындалған аманат...

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Қыздар тұрмысқа шығу үшін нені күтеді?

Қыздар тұрмысқа шығу үшін нені күтеді?

Қыздар тұрмысқа шығу үшін нені күтеді?

Ал, қыздар, бүгін ашылып ақтарылайықшы. Бәріміздің де ойымызда жар атанып, ана болу арманы жоқ емес. Оны мойындаймыз. Бірақ әркімнің тағдырына сай осы жолға не ерте, не кеш түсуі мүмкін. Біз, қыздар қауымы тұрмысқа шығу үшін белгілі бір қатып қалған қағидалар мен ырымдарға сенетін сияқтымыз ба, қалай? Түсінікті болу үшін біз сіздерге қыздар тұрмысқа шығу үшін не нәрселерді күтетіндігін санап, саралап берейік. Ендеше, кеттік.

Үш рет үйлену тойында қалыңдықтың қыз-жолдасы болу

Мұндайға сенбеймін дейтіндер аз шығар. Тіпті бір рет қыз-жолдас болып-ақ тұрмыс құрудан дәмеленіп жүретіндер де аз емес. Ал үш рет той төрінде тұрып, сонда да өз орныңызды таппасаңыз, кімге өкпелейсіз? Кешіріңіз, кейбір қыздар қалыңдық тойында қыз-жолдас болмай-ақ өмірлік жолдасына жолығып жатыр. Ал сіз қыз-жолдас болу арқылы бағым ашылар деп күтіп жүрсіз бе?

Қалыңдық гүлін тосып алу

Мұны да мойындайық. Оң жақта отырған қыздардың көбі Еуропадан келген гүл лақтыру рәсімінде көп бой көрсетеді. Бірақ сіздің бүкіл тағдырыңыз сол бір гүл шоғына қарап қалып па? Қалыңдықтың көкке лақтырған гүлін жерге түсірмей, басқа арулармен таласып жүріп тосып аламыз. Сөйтеміз де, мәз болып қаламыз. Құдды сол тойдан шыға салып өмірлік серігімізге жолыға салатындай болып, гүл лақтырған қалыңдық «бағыңызды ашып» бергендей болып қуанамыз. Өйткені біз шын жар атану үшін қайдағы жоқ гүлді күтеміз. Қаншама рет гүл тосып алып, сол гүлді солғанынша серігін күткен сұлулар да бар. Сол гүлмен бірге болашақ жолдасымызды да тосып алсақ, қанекей!

Қалыңдық киімін яғни той көйлегін киіп көру

Қыздар жағы той көйлегін киюге құмартады да тұрады. Аппақ көйлекті киіп аққудай кейіпке ену бәріміздің де көңілімізге жағары сөзсіз. Бірақ сол көйлекті кигеннен ертесіне-ақ өзімнің той көйлегімді киермін деп қатты сенудің керегі шамалы. Көйлекте тұрған дәнеңе жоқ. Кейде қызының ерте тұрмысқа кетіп қалуынан қорқатын шешелер қыздарына той көйлектерін киіп көруге мүлде рұқсат етпей отырады. Ойларынша – қыздары мұнан кейін бірден өз жұртын тауып кетеді.

Туыстар мен таныстардан "жеңгетайлық" күту

Мұндайлар да жоқ емес. Қыздардың көбі өздері ұнатып, танып-біліп тұрмысқа шыға салудан қорқады. Сондықтан бірден білетін жермен атасқанды дұрыс көреді. Адамды бір көруі былай тұрсын, бір жыл жүріп те тани алмайтындығын түсінген қыздар таныс-білісі бар жерге келін болып түсуді қалайды. Сондықтан қыздардың біраз бөлігі тұрмысқа шығу үшін әлдебіреулердің "жеңгетайлығына" аса зәру болады.

Диплом, жұмыс, көлік, үй...

«Дипломымды алып алайын, сосын...», «Жұмысқа тұрып алайын, сосын...», «Өз жағдайымды жақсылап жасап алайын, сосын..», «Үйдегілердің жағдайын жасап берейін, сосын...», «Өзіме үй алып алайын, сосын...». Ойлаңызшы, уақыт өтіп кеткен жоқ па? Артыңызға бір қарап қойыңызшы. Сіз жағдайдың қамымен көп жүріп қойған жоқсыз ба? Алғашқылары түсінікті. Ал соңғылары тіпті шектен шығып кетті деп ойламайсыз ба, қалай? Тұрмысқа шығу үшін осыншама нәрсені күту деген болашағыңызға қиянат деп білмейсіз бе? Ой салу – бізден. Бірақ сіздің болашағыңызбен санасу – біздің жұмыс емес. 

Жолын күту

"Алдымда ағам бар", "Менен үлкен әпкем әлі жүр ғой тұрмысқа шықпай..." Мұндайды көп естімедім демеңізші. Қыздардың көбі бүгінде тұрмысқа шығу үшін өз жолын күтіп жүр. Бұл рас нәрсе. Әрине, жолды күту қазақтың қанына сіңген сыйластықтың бір түрі шығар. Әйткенмен қыздың жолы ешқашан ұлдың жолына байланысты емес. Екеуі - екі бөле жол. Алдыңызда үлкен ағаңыз болса да, сіз одан асып кетсеңіз сізге ешкім өкпелемейді. Ал егер алдыңызда үлкен әпкеңіз тұрса, онымен келісіп рұқсатын алғаныңыз жөн. 

Дайындаған: Ақерке Әбілхан

Сурет: vk.com

6012 0
Рейтинг: +0

Дайындаған: Ақерке Әбілхан
Қосылған күні: 18 қыркүйек 2013, 13:33
Пікірлер
+0
18 қыркүйек 2013, 14:01

Әсіресе бір-бірінің артынан кезекке тұрып күтетін әпкелі қыздар күлкімді келтіреді

+0
18 қыркүйек 2013, 14:02

мен соңғысын ғана күтеді екенмін :P

+0
18 қыркүйек 2013, 14:20

Мен мынаның бірінде күтпептім: 1. Қыз жолдас болғанның тозағын бір рет көргем, содан соң бола қоймпаспын дегем. 2. Гүл алып күйеуге шығуға сенбим, себебі ол бздің салт емес (үйленген қыздың орамалын тағып көру десең келер ед) 3. Той көйлектерін толық болғасын киіп көргім келмейді, 4. Жеңгетайлық жасаған адамдарға "өзің тиіп ал" деп айтам деп бәлеге қалғам, содан бері ешкім олай істемесе екен дейм. 5.Мен үшін бірақ нәрсе тежеу болған, әке-шешемді тастағым келмеген. 6. Жалғыз тәтем ол да күйеуге шығып кетті.

+0
18 қыркүйек 2013, 14:34

Кәріліктен басқысының ертесі жақсы, ерте үйленген адамдар ерте бала өсіреді .

+0
18 қыркүйек 2013, 14:45

Мен осындай сөзді көп естігем, "ерте үйленгенің жақсы, балаңмен қатар есейесің" дейді. :mrgreen:

+0
18 қыркүйек 2013, 14:46

Кейбір адамдар әйелінен 17-18 жас үлкен болса кейбір адам баласынан 17-18жас үлкен :mrgreen:

+0
18 қыркүйек 2013, 14:55

Басқаларға қалай білмеймін, бірақ мына мақаладан кейін мынадай ой қалды. "Киіміңе, көйлегіңе, көлігіңе, гүліңе, аға-әпкеңе қарамай, күйеуге тиіп кете бер" деген секілді. Рас, қыздың тұрмыс құру-құрмауы жоғарыдағылардың біріне де байланысты емес. Барлығы да бұйрықта. Бұл бақыт біреуге кеш, біреуге ерте келеді. Ең бастысы, өз уақытында болса болғаны.
Айкона секілді мен де жоғарыдағылардың бірін де күтіп жүргем жоқ.
1. Қыз жолдас болуға шақырғанда өзім сертімді бұзып бас тартқам;
2. Той гүлін бір емес, екі мәрте қағып алғанбыз;
3. Қалыңдық көйлегін киіп көрмедім, киюге де ұмтылмадым;
4. Жеңгетайлықтан құдай сақтасын!
5. Аллаға шүкір, дипломым да, жұмысым да, көлігім де, жеке баспанам да бар;
6. Ешкімнің де жолын күтіп отырғам жоқ. Дәл қазір екі келінім, төрт күйеубалам бар.

Қатып қалған қағида жоқ. Ал жоқ жерден ырым-тыйым шығарып, әр сандыраққа сеніп жүргендерге айтарым барлығы да бір құдайдың қолында. Солай ;)

+0
18 қыркүйек 2013, 15:13

Жоғарыдағы ырымдардың ешбіріне сенбеймін, ештеңе күтіп те жүргем жоқ. Тек "сол" адамды күтем) Барлығы Жаратқанның бұйрығынан ғой.

+0
18 қыркүйек 2013, 15:41

Орынды жазылған, тұрмысқа шыққысы келмей жүрген біз сияқты қыздардың бетпердесін, ішкі қорқынышын ашып салыпты.

+0
18 қыркүйек 2013, 15:48

Меніңше, бұйырғаны болады дей бермей, өзің де әрекет етуің керек, тым құрығанда тұрмыс құруды қалауың керек.

+0
18 қыркүйек 2013, 16:23

қаламайды деп кім айтты?) ал алдымен қимылдау жағынан әйел затынан болғандықтан мүмкіндігіміз шектеулі екені рас қой.

+0
19 қыркүйек 2013, 11:32

Мен енді бас салып, өзің сөз сал демеймін. Тым құрығанда шақырған жерден қалмай, адамдармен танысуға мүмкіндікті ашу керек. Кішкене талаптарыңды түсіріп, біраз жан-жағыңа қарау керек. Осы жайлы жақсы бір мақала шығып еді бізде. Оқып көріңіз: http://massaget.kz/bastangy/psihologiya/500

+0
19 қыркүйек 2013, 11:41

ол жерде айтылғандарды іске асыра бастағаныма біраз болған) егер ойдағы адам жолығып жатса бір сәт те қарап қалмақ емеспін, тек Тәңіріміздің еркіне әмірім жүрмейді екен.)

+0
19 қыркүйек 2013, 13:48

12 пунктті де ма?

+0
19 қыркүйек 2013, 15:04

Иә! керемет болмаса да біразынан хабарым бар. жігіттер қызығатын тақырыптардан қыздар мүлдем бейхабар деп ойлауға болмайды.

+0
19 қыркүйек 2013, 15:40

Оның жақсы екен :D Мағам сондай қыздар ұнайд... :)

+0
19 қыркүйек 2013, 15:50

ал жігіттер жағы қыздардың қызығушылықтарына бас ауыртып көрмеген сияқты ешқашан. біздер Пеленің 1361 ойын ойнап, 1289 гол салғанын білеміз, олар ең болмаса бір Әлем аруын атай алар ма екен?..

+0
19 қыркүйек 2013, 15:55

Негізі Пеленің бұл цифрларын менде білмейді екем)) Тек рекордсмен екенін білемін)) Ал Әлем аруында шаруам жоқ, өзіміздің қарапайым қазақ аруларына жетпейді :)

+0
19 қыркүйек 2013, 16:23

Википедияны біраз жаттаған сияқтысың ғой :D Негізі шынымен қызығушылық болмаса бәрі бекер. Қанша жерден бәленбай цифр жаттап алсаң да, сол тақырыпқа әңгіме қызғанда белгілі болып қалады жасандылық. Бастысы түсіне білу керек. Шынайылық керек. Мужской или женский темаларға екінші жұбыңның қызықпаушылығы критично емес, бастысыбасқа да ортақ қызығушылықтар болса сол дұрыс!
деп ойлаймын :)

+0
19 қыркүйек 2013, 16:29

кішкентай ғана қарадомалақ баладан қалай ұлы футболшы шаққаны шынымен қызықтырып, журналын алып, әдейілеп оқығанмын, содан есімде қалды. өзіңіз "женский" тақырыптан ештеңе қозғай алмағасын ақталған түріңіз құрысын..

+0
19 қыркүйек 2013, 16:43

Құрыса менің-ақ түрім құрып кетсінші құрысын)) Негізі қызығушылығыңа қызығып-ақ отырмын) "Женский" тақырыпқа шынымен де шорқақ шығармын, ол үшін ақталмаймын. Менікі емес. Бірақ соншалық "нұқ, кещще" емеспін.

+0
19 қыркүйек 2013, 16:47

жақсы-жақсы, сендік))

+0
18 қыркүйек 2013, 16:21

Жүріп қалған адамдар бұйрық болса той болар деп құтылады. Незігі Бұйрық деген өз-өзіңді жұбату сөз шығар, Жаратушы біреуге ерте біреуге кеш жар бермейді. Адамның өмірі әр кез өз қолында, жаманға ерсең жамансың жақсыға ерсең жақсысың. Адам өмірі өз қолында болғаны үшін жауап береді жақсылығың үшін немесе жамандығың үшін. Камелет жасқа толған уақыттан бастап Жаратушы тарапынан барлық адамға от басын құруға рұқсат, ал ерте құрасыңба кеш құрасыңба от басын ол өз қалауыңда. Ерте от басын құр, жағыдайың келмесе ораза тұт деген сөзде бар.

+0
18 қыркүйек 2013, 16:30

негізі ұлдарды білмеймін, ал қыздар осы аталғандардың барлығына да сенетін сияқты. ромашканың любит-нелюбитінен бастап, ырым-жырымдарға дейін :lol:

+0
19 қыркүйек 2013, 13:49

байқұс ромашкалар-ай десеңші...

+0
18 қыркүйек 2013, 17:09

Мүмкін соларға сенгенімізді тағдырымыздың өзі қалайтын шығар :roll:

+0
18 қыркүйек 2013, 19:33

"жеңгетайлық" күту-қорқақтық :idea:

+0
18 қыркүйек 2013, 20:38

Ана суреттегі қыздың әдемісін-Ай.

+0
18 қыркүйек 2013, 22:52

оку, жумыс деп журмин азирге сонысы дал келипти))) калгандарын билмим))) :D

+0
19 қыркүйек 2013, 11:28

Жарымды жолықтырғанға дейін менде үйдегілерге көмектесейін, қызмет істейін деген ғана ой болды. Ал ол кісімен танысқаннан соң ештеңеге қарайламастан тұрмыс құруға бел будым. Меніңше, жоғарыдағы себептердің көбісі қыздың өз адамын кезіктіргенге дейінгі ой-пікірлері. Ал жарым болады-ау деген адамды тапқанда еш себеп-сылтауға қарай алмайсың :)

+0
19 қыркүйек 2013, 17:39

уачааа :lol: массагетке жазбағалы біраз бопты ғүӘ. офтоп үшін хечром әрине, бірнәрсе жазғым келді прост, не жазарымды білмедім :mrgreen:

+0
20 қыркүйек 2013, 14:53

Сәлем, достар! Негізі жоғарыда аталғандардың барлығы да шындыққа саяды. ркімнің өмірінде осылардың біреуі қойылған сұрақ, не орындалған жағдай. әйтеуір осы "сұрақтар" болмаса, бұл сұрақтар осылай жиналып, кішігірім тақырып та болмас еді...деп ойлаймын. Ал, жалпы, меніңше, Аллахтың бұйрығы түсіп, өмірлік жарыңды кездестіргенше (өз басым, менікі не туылмаған, не қайтып келкен, сірә, менен бұрын "о жаққа".. :? ), жоғарыда аталғандар әзірше "бола тұрады"... сосын бұйрық түскенде, қанша рет қызқосшы болдың, қанша гүл қағып алдың, той көйлек киір көрдің бе, жоқ па, "жеңгетайлар" "пәленшінің пәленбай баласын" таныстырды ма, жоқ па, диплом, үй, көлігің бар ма, жоқ па...мұның біріне де ҚАРАМАЙДЫ. Тағдырың әу бастан жазылған, теңің де. Тек ниетіңе байланысты тиістісі бұйырады. Ниетіміз түзу болса, бәріміз де "әйбәт" отбасы болармыз...түбі бір....(мыжып кетсем, ренжімеңіздер...жаза беріппін ғо))

+0
21 қыркүйек 2013, 23:09

Мен "үйдегілердің жағдайын жасап берейін" дегеннен арыла алмай-ақ қойдым, өзіме қиянат жасап жүрмін шынымен. гүл тосуға шығып көрген емеспін, тосқым келмейді, көйлек те киіп көрейінші деген емеспін. 7гүл тосқан бір қызды білем, әлі жүр:)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо...

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...