Мәзір: Майонез

Мәзір: Майонез

Майонез күнделікті рационымызда тұрақты орынды иеленіп отыр. Үйреншікті дүкен майонезін еш зияны жоқ, табиғи, қолдан жасалған майонезбен алмастырыңыз.

Құрамы:

  • Зәйтүн не күнбағыс майы - 200гр;
  • қыша ұнтағы - 1/2 шәй қасық;
  • 1 жұмыртқа;
  • лимон шырыны - 1 ас қасық.
Жұмыртқаға тұз, қыша ұнтағын, лимон шырынын қосыңыз. Майонезді алғаш даярласаңыз, қыша мен лимон шырынының жарты шамасын қосыңыз, олар артық болып қалса, майонездің дәмі тым ащы не қышқыл болуы мүмкін. 
Блендер көмегімен араластырамыз.
Ақырын, бірнеше тамшыдан май қосып, араластырып тұрамыз. Май неғұрлым көп болған сайын, майонез қоюлана түседі.
Дәмін көріп, қажет болса, тағы тұздап, қыша мен лимон шырынын қосыңыз. 

Үй майонезі дүкеннің майонезі сияқты ұзаққа сақталмайды. Сондықтан, оны аз-аздан жасаған жөн.

Дайындаған: Сания Аринова

С. А