Мәзір:“Алғашқы бәліш”

Ас дайындауды енді үйреніп жүрген қыздарға арналған тамаша мәзір. Құрамы мен дайындалу жолы тым жеңіл бұл бәлішті жасау әркімің-ақ қолынан келеді. Торт жасауды үйренгісі келіп жүрген ер азаматтарға да осы мәзірден бастауға кеңес береміз.

Құрамы:

Ұн — 2 стақан

Жұмыртқа — 2 дана

Айран — 2 стақан

Қант — 1 ас қасық

Қақ өрік пен мейіз (немесе басқа жеміс) — талғамға қарай

Өсімдік майы — 1 ас қасық

Дайындалуы:

• Қант пен жұмыртқаны ыдысқа салып, миксердің көмегімен шайқаймыз.

• Үстіне айранды құямыз.

• Өсімдік майы құйылады.

• Енді қоспаны араластыра отырып, ұнды себеміз.

• Миксердің көмегімен соңғы рет әбден араластырамыз.

• Енді арнайы қалыпқа не үлгілерге туралған қақ өріктер мен мейіздерді саламыз.

• Үстіне дайын болған ұн қоспасын құямыз.

• 180С температурада қызған пешке 20 минутқа саламыз.
• Дайын болғаннан кейін қалыпты төңкеріп, бәліштерді түсіреміз.

Астарыңыз дәмді болсын!