Жарнама
  • 504.72
  • 490.7
  • 5.9
  1. Негізгі бет
  2. Аспаздық
  3. Массагеттен мәзір: Орамжапырақ...

Массагеттен мәзір: Орамжапырақ салаты

Массагеттен мәзір: Орамжапырақ салаты

Құрметті оқырман, бүгін біз жеуге жеңіл тағамдардың бірі ретінде орамжапырақтан жасалған салаттың жасалу жолдарымен бөліспекпіз.

Құрамы: 

  • кішігірім орамжапырақ;
  • 2 қызанақ / 2қияр;
  • 2 суға піскен жұмыртқа;
  • 4 краб таяқшасы;
  • киндза;
  • тұздалған жүгері;
  • майонез;
  • тұз.
Орамжапырақты текшелеп, жіңішкелеп тураймыз.
Краб таяқшаларын да текшелеп тураймыз.
  Жұмыртқаны текшелеп тураймыз. (Сарысын тым майдалап жібермеуге тырысу керек).
  Қиярды да текшелеп тураймыз.
  Содан соң қызанақты тураймыз. (Қызанақ суының шығып тұрғаны салатты дәмді етеді).
  Текшелеп турауды киндзамен аяқтаймыз. (Киндзаны көп қосудың қажеті жоқ. Салатқа өзіндік дәм берсе жеткілікті).
 

Текшелеп туралған көкөністерді шұңғыл ыдысқа салып, үстіне жүгері және майонез құямыз. (Жүгері суы салатқа көп құйылмағаны жөн. Әйтпесе ол қызанақ суымен қосылып, жұмыртқаның сарысын бүлдіреді).

Бәрін салып біткен соң, көзбен өлшеп тұз салып, араластырамыз.

Салат дайын! (Жеместен бұрын тоңазытқышқа бір сағатқа салып алған жөн). 

Астарыңыз дәмді болсын!

Ас үйде болған: Ақерке Әбілхан

Суреттер: автордан

А. Әбілхан