Сапалы балмұздақ таңдаңыз

Сапалы балмұздақ таңдаңыз

Жаз айларында балмұздақ өндірушілері өнім санын арттыру үшін оған өсімдік майын қосады. Ал дәмі сол баяғы қалпында қалады. Тек сатып алушылар сары май мен сүтті тағамдардың орнын пальма майы алмастырғанын қаламайды. Олар әдеттегідей табиғи өнімдерден жасалғанын жақсы көреді.  

Балмұздақтың жақсысын таңдау өз қолымызда. Тек дүкенде алар кезде зер салып таңдасаңыз болғаны.

1) Затбелгісінде «МС» (мемлекеттік стандарт) деген таңба болғаны дұрыс. «ТШ» (техникалық шарттар) деген таңбасы болса, құрамында өзгеше қоспалар бар деген сөз.

2) Сүт пен кілегейден жасалған тағамда «Сүтті», «Кілегейлі», «Пломбир» деген жазуы болады. Өндіруші өсімдік майын қосқан болса, міндетті түрде жазып қоюға тиіс. Әдетте, майда қаріптермен затбелгінің көрінбейтін жеріне жазып қояды. Мұнымен қатар, құрамына қосылған қоспалар да жазылады.

3) Сапалы балмұздаққа да қоюландырғыш заттар қосады. Олар қалпын сақтап тұруы үшін қажет. Мұндай мақсатта агар-агар мен желатинді пайдаланатын өнімдерді алған дұрыс.

4) Дәмдеуіштердің сапасы төменірек болғаны денсаулыққа пайдалы. Олар жемістердің шырыны мен жидектердің табиғи қоспасы болуы керек.

5) Балмұздақ алар кезде қаптамасына міндетті түрде назар аударыңыз. Мыжылған немесе ашылған қаптамадағысын алмаңыз. Шаң-тозаң түскен балмұздақты жуа алмайсыз. Осы себептен де мамандар құймалы балмұздақтарды сатып алуға тыйым салады.

6) Егер балмұздақтың сырты майда мұздармен көмкерілген болса, еріп қайта қалпына келтіргендігінің белгісі.

7) Түрлі түстілігі мен аңқыған иісі табиғи бояулардың қосылғандығын білдіреді. Және түсінің аппақ болуы мүмкін емес. Крем түстес немесе сарғыш келеді. Бастысы бояуы біркелкі болғандығында.

8) Нағыз балмұздақ біркелкі ериді. Ал өсімдік майы қосылғаны ұзаққа шыдайды. Егер ерісе жабысқақ әрі қою сұйықтыққа айналады.

9) Сақтау мерзіміне міндетті түрде қараңыз! Табиғи балмұздақ 6 айға дейін ғана жарамды. Егер сақтау мерзімі ұзағырақ жазылса, қоспалардың көп мөлшерде қосылғандығы.

Дайындаған: Қарлыға Бүйенбай

Сурет: tutbery.ru

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Қазақ тарихы: Ұлы адамдар достығы
Қазақ тарихы: Ұлы адамдар достығы
ІІ тоқсаннан бастап 300-ге дейін оқушысы бар мектептер дәстүрлі форматқа ауысады
ІІ тоқсаннан бастап 300-ге дейін оқушысы бар мектептер дәстүрлі форматқа ауысады
Қазақстандағы оркестр түрлері
Қазақстандағы оркестр түрлері
АҚШ-та дәмі табиғи балға ұқсас жасанды бал шығарылды
АҚШ-та дәмі табиғи балға ұқсас жасанды бал шығарылды
"Алматы марафонының" жаңа жүгірісі – "Жарыс қаһарманы"
"Алматы марафонының" жаңа жүгірісі – "Жарыс қаһарманы"
Шұжықтың адам денсаулығына зияны айтылды
Шұжықтың адам денсаулығына зияны айтылды