Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Бойжеткен / Сымбат / 2020 жылы қандай шаш бояулары сәнде болады?

2020 жылы қандай шаш бояулары сәнде болады?

2020 жылы қандай шаш бояулары сәнде болады?

Жаңа жылдың келуіне санаулы күндер қалды. Адамдар өткен жылға есеп беріп, алдағы жылға жоспар құрып жатады. Жаңа жылдың келісімен сыртқы келбетін өзгертіп, жаңартқысы келетіндер де бар. Келер жылы шаш түсін өзгерту ойда болса, 2020 жылы сәнде болатын бояуларға көз жүгіртіңіз.

1. Қызыл түстің реңктері
Қызыл түс сәннен ешқашан шықпайды. Тек әр жылы оның қандай да бір реңкі трендке айналып отырады. 2020 жылы "қызыл ағаш" реңкіне мән беріңіз. Ол қоңыр мен қызылдың қосындысынан тұрады. Бұл түстің басты айырмашылығы – оның кез келген түсті теріге жарасуы. Сондықтан шашыңызды бұл түске бояуға теріңіздің ақ немесе қара болғаны кедергі келтірмейді. Алайда уақыт өте бұл бояу жуылып, кете бастаса, шаш түсі әдемі көрінбейді. Сондықтан уақытында шаш маманына барыңыз.

2. Күрең түс (шоколадты-қоңыр түс)
Тәжірибелі стилистердің ойынша, бұл бояу 2019 жылы кең қолданылды. Ол 2020 жылы да сәнде болады. Бұл суық реңкке жатады. Суық күрең түс терісі ақшыл және көзі қара немесе көк түсті қыздарға жарасады.

3. Күміс блонд
Өткен мерзімде сәнде болған "күл" түстің орнын суық күміс реңк басты. Бұл бояу да терісі ашық түсті қыздарға келеді. Күміс бояу ашық түсті шаштарға жақсы боялады. Ал егер шашыңыз қоңыр немесе қара болса, тек кәсіби шеберге барып түссіздендіру керегін ұмытпаңыз. Әйтпесе, шашыңызды күйдіріп алуыңыз әбден мүмкін.

4. Балды блонд
Бұл бояу өткен мерзімдегі классикалық алтын түсті ауыстыра алады. Бал түстің өзі де, басқа түстермен бірге де жақсы көрінеді. Балды блонд жылы түстер типіне жататын қыздарға жарасады. Сондай-ақ ол ұзын әрі орташа ұзындықтағы шашта әдемі көрінеді.

5. Лаванда
Жаңа жылда тәжірибе жасап, ерекше шаш бояуын қаласаңыз, лаванда реңкін байқап көріңіз. Бұл бояуды кез келген табиғи шаш түсіне жағуға болады. Егер шашыңыз ақшыл болса, әдемі ашық лаванда түсі шығады. Егер шашыңыз қоңырлау болса, ерекше градиент беріп, аздап жылтыратады.

6. Балаяж
Түстерден бөлек бояу стиліне де тоқталып кеткен жөн. Стилистердің айтуынша, 2020 жылы балаяж трендте болады. Балаяж бояу техникасында шаш ұшы ашық түсті, ал жоғары жағы одан бір-екі тонға қою болады және олардың арасын соларға жақын реңкпен қосады.

7. Шаш ұшын түрлі түске бояу
Ашық түстерді және ерекшелікті жақсы көретін қыздар 2020 жылы шаш ұшын түрлі түстерге бояуға болады. Мұндай бояу техникасын жиі жасөспірім қыздардан байқауға болады. Алайда заманауи сәнде шектеу жоқ, мұндай бояу техникасын кез келген жастағы әйелдер байқап көруге болады. Егер балаша көрінгіңіз келмесе, жұмсақ түстерді таңдаңыз.

0
Рейтинг: +0

Дайындаған: Ақтоты Жапатова
Фото: pinterest.com
Қосылған күні: 24 желтоқсан 2019, 11:12

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.