Әр нәзік жанды арудың тағам дайындау мен ас үйде қолданатын амал-айлалары болады. Артық білгеннің айыбы жоқ дей келе, назарларыңызға ас үй ханшайымдарына қажетті кезекті кеңестерімізді ұсынамыз.
1. Қамыр әдемі болып шығу үшін алдымен табаққа ұнды салып, содан соң су құйған дұрыс.
2. Сырлы ыдыстардың сыры кетпес үшін оған майлы тағамдар қайнатпау керек.
3. Кез келген сорпаны баяу отқа қойып қайнатса ғана ағзаға пайдалы әрі жеңіл болады.
4. Саңырауқұлақтан жасалған сорпа дәмді әрі пайдалы болсын десеңіз көлемі мен әр түрлісін таңдаңыз.
5. Балықтан жасалған сорпаға жұмыртқа ақуызын салып пісірсе түсі көмескіленбейді.
6. Тауық етінен жасалатын сорпаға дәмдеуіштер салмаған дұрыс. Себебі дәмдеуіштермен тауық еті өз дәмін жоғалтады.
7. Күріштен жасалған сорпаның түсі көмескі тартпас үшін күрішті қайнап жатқан суға 2-3 минут салып сүзіп алады. Сосын сорпаға салып, піскенше баяу отта қайнатады.
8. Шыныдан жасалған ыдыстарды алдымен тұзды суға салып жуып, содан кейін салқын сумен шайса жылтырай түседі.
9. Балықты тұздалған қияр, картоп, қырыққабат қосып бұқтырса дәмі керемет болады.
10. Сәбіз және пиязды қуырар алдын майға 1-2 шым-шым қант салса, сәбіз көпсіп, әдемі қуырылады.