Стейк жасау әдістері

Аса ұлтанды емес, шырынды стейкті дайындау бойынша бірнеше кеңес.

Кесекті әзірлеу

1. Ет бірден тоңазытқыштан шығарылған болмау керек. Оны күні бұрын шығарып, бөлме температурасында ұстай тұру қажет.

2. Ет талшықтарының көлденеңінен қалыңдығы бір жарым сантиметрден кем емес және төрт сантиметрден аспайтындай етіп кесілуі тиіс.

3. Етті дайындар алдында оны жуудың қажеті жоқ, сіздің дұрыс таңдап алынған кесегіңізге артық суды енгізбеңіз, әйтпесе сіз соңында қуырылған емес, бұқтырыла пісірілген бір нәрсені аласыз.   

Ыдыс 

Етті қуыратын ыдысты дұрыс таңдау өте маңызды. Қосымша эмальды не басқа да жабындысы жоқ шойын таба дұрыс болады. Грилге арналған (бедерлі, ет шырынының ағуына мүмкіндік беретін) таба немесе тегіс таба болуы мүмкін, қандай болса да – құрғақ, таза және өте ыстық болуы тиіс.

Табаның жеткілікті қыздырылғанына көз жеткізгіңіз келсе, келесіні жасауға болады: отқа суланған табаны қойыңыз (немесе оған су бүркіңіз), суы кепкеннен кейін табаны жеткілікті қызды деп есептеуге болады және де бұдан кейін майды да сала беруге болады. Оны да алдын ала қыздырып алған жөн.

Қуыруға арналған май

Сарымай ет қуыруға жарамайды, оның жану температурасы талап етілетіннен әлдеқайда төмен. Сіз еттің қызғылт қабығын алуға үлгірмейсіз, май қара түтінге айналып жанып кетеді. Етті өсімдік майын қосып қуыру қажет. Жүзім сүйегінен алынған майды қосып қуырған тым жақсы, өйткені оның жану температурасы әлдеқайда жоғары.

Егер сіз сонда да еттің дәмінсарымаймен келтіргіңіз келсе, онда оның үш амалы бар: қорытылған майда қуыру (оның суы барынша жойылған, бұл оның жану температурасын жоғарырақ қылады), сарымай мен өсімдік майын араластырып қуыру немесе соңында дайын етке кішкене сарымай қосу. Тазартылмаған өсімдік майыныңетті қуыруға жарамайтынын есте сақтаңыз.

Қуыру процесі

1. Қан аралас стейкті тек кәрі малдың етінен ғана алуға болады. Бұзау етін, қой етін, шошқа етін толығымен дайын болғанға дейін қуыру керек, оны анықтау үшін ет кесегін пышақпен не шанышқымен тесіп көруге болады, бөлінетін сөлі ашық түсті және мөлдір болуы тиіс. Сонымен қатар, еттің ішкі температурасын көрсететін ине тәрізді термометрлер де бар.

2. Етті қуырған уақытта оны қайта-қайта аудара берудің қажеті жоқ. Үстіңгі (әлі шикі) жағы сөлін қатты бөле бастаса, онда астында сенімді қабық пайда болды деуге болады. Бұл сәт етті аударуға қолайлы.

3. Егер сіз еттің тұтас кесегін немесе шабылған котлеттерді қуырмас бұрын панировкаласаңыз, онда панировкаланған өнімдерді қуыру температурасы таза еттен гөрі төмен болады (150-160 градус), және де мұндай өнімдерді соңына дейін жеткізу үшін, қуырғаннан кейін оларды сәл бұқтырып, немесе духовкада қосымша қыздырып пісіріңкіреу ұсынылады.