Массагеттен мәзір: Ірімшік құймақтары

Ұзақ демалыс алдында Массагет сізге кезекті мәзірін ұсынғалы отыр. Демалыс күндері отбасыңызды осындай таңғы аспен қуантып көріңіз.

Ірімшік құймақтары – нәзік, тәтті, жұмсақ таңғы ас. Әрине бұл құймақтарды тәтті десерт, тіскебасар ретінде де ұсынуға болады. Әдеттегідей мәзірдің құрамдас бөліктері қолжетімді, әзірленуі оңай.

Құрамы:

200 гр ірімшік; 1 жұмыртқа; 1 ас қасық ұнтақ жармасы (манка); 1 ас қасық қаймақ; 1,5 ас қасық қант; тұз, ас содасы, ваниль қанты; сұйық май, ұн. Ірімшік, жұмыртқа, ұнтақ жармасы мен қантты араластырамыз. Қаймақ, тұз, ваниль қантын қосыңыз. 15 минуттан кейін (бұл уақыт ұнтақ жармасы жібуі үшін қажет) қамырға 1-2 ас қасық ұн қосамыз. Қамыр өте сынғыш, сұйық болады. Оны ас қасықпен алып, ұнға малып, пішінін келтіреміз. Ірімшік құймақтарын қызған майда орташа отта екі жағынан қуырамыз. Ірімшік құймақтарын қаймақпен ұсынған дұрыс.

Астарыңыз дәмді болсын!

Ас үйде болған: Сания Аринова