Массагеттен мәзір: "Ризотто" тағамы

Әлем елдерінің асханасындағы танымал тағамдарды жасап үйренуді жалғастырамыз. Бүгін назарда – ризотто тағамы. Ризотто (итальян тілінен аударғанда – "кішкентай күріш") – Италияның солтүстігінде өте кең таралған тағам. Тағам туралы деректер ХІХ ғасырдан бастап кездеседі. Ризотто арборио, бальдо, падано, рома сынды жоғарғы сортты күріштермен жасалуымен ерекшеленеді. Оның жүздеген түрі бар. Мен кеше асқабақ пен ірімшік қосылған ризоттоны жасап көрдім.

 

Құрамы:

 

400 гр асқабақ 1 дана пияз 200 гр күріш (италиялық) 150 гр ірімшік 150 гр сары май май, тұз, бұрыш тмин, ақжелкен

 

 

  Асқабақты қабығынан тазартып, жуып, төрт бұрышты етіп тураңыз.

 

  Пиязды да дәл солай тазартып, ұсақтап турау керек.

 

  Табаға құйылған майға пияз бен асқабақты салып бірнеше минут қуырасыз.

 

  Оның үстіне күріш салып, бірге қуырамыз.

 

  4-5 минуттан кейін дәмдеуіштер мен тұзды саласыз.

 

  Артынан бірден күріш батқанша су құясыз. Іздеп көрсем, италиялықтар судың орнына алдын ала дайындалған сорпаны пайдаланады екен. Мүмкіндігіңіз болса, алдын ала дайындалған сорпа қосыңыз. Күрішті бұқтырып қойыңыз, 10 минуттан кейін ашып, тағы да сол мөлшерде су құясыз.

 

  Дайын болуға шақ қалғанда ірімшік пен майды қосыңыз. Ақжелкенді де салып жіберуге болады. Тағы да 2-3 минутқа жай отқа қойып, өшіріңіз. 

Ризоттомыз дайын! Асыңыз дәмді болсын!

Ас үйде болған: Айгерім Сматуллаева

Мексика асханасы: Тауық орамасы

Италия асханасы: Ірімшік пастасы

Орыс асханасы: "Олимпиада салаты"

Испан асханасы: "Паэлья" тағамы

Француз асханасы: "Анна" тағамы

Француз асханасы: "Рататуй" тағамы

Қытай асханасы: "Фунчоза" салаты