Жарнама
  • 523.95
  • 490.7
  • 5.1
  1. Негізгі бет
  2. Аспаздық
  3. Массагеттен мәзір: кимпаб...

Массагеттен мәзір: кимпаб

Массагеттен мәзір: кимпаб

Корей асханасында ең танымал тағамдардың бірі – кимпаб. «Ким» - теңіз орамжапырағы («нори» деген атпен таралған) және «паб» - корей тілінен аударғанда «күріш» деген мағынаны білдіреді. Негізі жапондардың ұлттық тағамы – сушиден шыққан, айырмашылығы – тек піскен өнімдерді қосатындығы.  Сонымен, біз де қарапайым кимпабты жасап көрейік.


  

Құрамы:

 

  • 2 кесе күріш
  • 300 гр шұжық
  • Кішкене бума жусай
  • Консервіленген тунец балығы
  • Өсімдік майы
  • 3-4 дана қияр
  • 2-3 дана жұмыртқа 
  • 2-3 дана Теңіз орамжапырағы (Нори) 

 

 

 


   Қиярды жіңішке әрі ұзын қылып тураймыз.

 


   Шұжық пен жусайды өсімдік майына қуырып аламыз.

 


   Жұмыртқаны омлет сияқты қуырамыз.

 


   Күрішті езіліп кетпейтіндей етіп қайнатып, пісіреміз.

 

  Норидің бір жағы жылтыр, екінші жағы бұдыр болып келеді. Біз күрішті бұдыр бетіне жаямыз.

 

  Күрішті норидің бетіне түгел жаймаймыз. Ораған кезде артық жерін сулап, жабыстыруға ыңғайлы болу керек.
  Енді қалған өнімдерімізді кезекпен орналастырып шығамыз.
  Консервіленген балықты езіп, жұмыртқамен бірге қойып, ораймыз. Астына арнайы кимпабты орауға арналған төсеніш болса, орау оңай болады.
  Кимпаб дайын, енді жіңішкелеп кесіп, дастарқанға қоямыз.


Асыңыз дәмді болсын!

Асүйде болған: Назерке Смағұл

Y. Smaghul