Массагеттен мәзір: "Айастан"
![Массагеттен мәзір: "Айастан"](/userdata/news/news_22749/image_l.jpg)
Аяулы бойжеткендер! Бұрын-соңды кешкі асқа не жасасам болатындығы туралы көп ойланып, күнделікті тағамдар қайталанбас үшін қымбат азық-түлік сатып алып жасайтынмын. Алайда қолда бар көкөніс пен етті пайдаланып өзгеше тағам жасауға болатындығын байқадым. Кезекті мәзірімізде өте оңай әрі қол жетімді азық-түліктерден жасалатын тағамды ұсынамын. Ол үшін бізге ең алдымен.
- қой еті;
- картоп;
- пияз;
- өсімдік майы;
- тұз;
- қара, қызыл бұрыштар қажет.
![](/userdata/uploads/u54584/1415385963_l.jpg)
Ең алдымен етті кесек-кесек болатындай етіп тураймыз. Еттің сүйегі барын таңдасақ, соғұрлым сөлі де жақсы шығады.
![](/userdata/uploads/u54584/1415385976_l.jpg)
Картоптың да барынша үлкен болғаны жөн. Әйтпесе қазан түбінде нағыз пюреге айналып кетуі мүмкін.
![](/userdata/uploads/u54584/1415386014_l.jpg)
Қалауымызша тұз, қызыл, қара бұрыш қосып, жақсылап араластырамыз.
![](/userdata/uploads/u54584/1415386033_l.jpg)
Туралған азық-түліктің барлығын қазанға салып бұқтырамыз. 30 минут толықтай жеткілікті.
![](/userdata/uploads/u54584/1415386049_l.jpg)
30 минут бұқтырған соң азық-түлікті 180 градуста қызып тұрған духовкіге салып пісіреміз.
![](/userdata/uploads/u54584/1415386062_l.jpg)
Духовкіге салмас бұрын бетіне майонез жағып, аскөк себеміз. Осылайша "Айастан" атты тағамымыз дайын. Астарыңыз дәмді болсын!
Сурет: massaget.kz
Қ. Бүйенбай