Бойжеткендердің барлығы бірдей тамақ жасауды ұнатады деп айту қиын. Бірі анасының дәмді тамағын жеп дағдыланса, екіншісі сабақтан немесе жұмыстан шаршап келетіндіктен, тамақ жасауды ұнатпайды. Бұдан өзге сүйікті жар атанып, туған-туысқандарын дәмді тағамдарымен қуантатындары да көп. Тамақты қандай жағдайда дайындасақ та, төмендегі кішкене қулықтарды біле жүрейік!
- Піскен соң қатты болып қалатындықтан, етті қуырмаған жөн;
- Егер картоптың тез піскенін қаласаңыз, суға бір қасық май немесе маргарин қосыңыз;
- Картопты гарнир ретінде дайындасаңыз, суға лавр жапырағын, бір бас пияз салыңыз. Осылайша тағамның дәмі ерекше болады;
- Картоптан жасалған котлеттің көлемді болғанын қаласаңыз, арасына көпсітілген ақуыз қосыңыз;
- Егер сиыр етінің сөлін сақтап қалғыңыз келсе, духовкаға салмас бұрын қуырып алыңыз. Осылайша қызарып, сөлі сыртқа шықпайтын болады;
- Турама ұсақ болған сайын, котлет те шырынды болады. Сондықтан, етті еттурағыштан бірнеше рет өткізіңіз;
- Духовкідегі тауық етінің беті қызарып, өзі әлі піспегенін байқасаңыз, бетін майланған пергамент қағазбен немесе жұқалтырмен жабыңыз.
- Балдыр сасып тұрған балықты тұз бен сірке суы араласқан қоспада жуу керек. Сол кезде жағымсыз иісі кетеді;
- Бауырдың сыртқы жабындысын аршу үшін бір минутқа ыстық суға салып қойсаңыз жеткілікті;
- Бауырды қуырмас бұрын 1 сағатқа сүтке салып қойсаңыз, дәмді болады;
- Сосисканы буға пісірсеңіз дәмді болады;
- Кез келген еттен дайындалған тағамның ішінен қызыл шырын шықпауы тиіс. Денсаулыққа зиян келтіретіндіктен, үлкен кесектердің арасын кесіп тексеріңіз;
- Сөлі кетіп қалатындықтан, етті еріткен кезде оны жылы жерге қойып, үстіне су құюдың қажеті жоқ;
- Турамаға қосатын пиязды еттурағыштан өткізбей, үккіштің көмегімен майдалаған жөн;
- Котлеттер дәмді болу үшін аса ыстық емес табада қуырып, артынша духовкіге қойыңыз;
- Ең таза деген еттурағыштың өзін пайдаланбас бұрын жылы сумен шайған абзал;
- Еттің жұмсақ болып піскенін қаласаңыз, бірнеше сағатқа сүтке салып қойыңыз;
- Орамжапырақты қуырған кезде үстіне су қосыңыз;
- Майдың үстіне сәбіздің бірнеше домалағын қойсаңыз, қуырылып жатқан ет табаға жабыспайды;
- Ет турауға арналған тақтай мен пышақты ыстық сумен ғана жуған дұрыс;
- Жұмыртқа омлетінің көлемді болғанын қаласаңыз, қоспасының құрамына сүт пен су қосыңыз. Табаға салмас бұрын жақсылап араластырыңыз.
- Кез келген духовкіде дайындайтын етті фольгаға орасаңыз, сөлі өзінде сақталып, дәмді піседі.
Дайындаған: Қарлыға Бүйенбай
Сурет: cba.ca