Түрік әйелдері сұлулығының 7 құпиясы

Түрік әйелдерінің ерекше сұлулығының рецепттерін қалай қолдану керегін бьюти-сарапшы Ирина Ковалевичпен бірге талқыладық деп жазды, - marieclaire.ru.

Түрік әйелдерінің сұлулығына бүкіл әлем қызығады. Түріктер өз сұлулықтары үшін табиғи өнімдерді қолдануға тырысады. Олардың сұлулықтары табиғилықта, олар оны қиын емес бьюти-ритуалдар көмегімен сақтайды.

Йогурттан маска жасау

Түріктер йогурттан жасалатын маскаларды жақсы көреді. Себебі бұл сусын пигментті дақтар мен секпілді басады, ұсақ әжімдерді азайтады, көз астының қараюын кетіреді. Йогурт маскасын жаққан соң үнемі оған су шашып тұру керек. Ол кепкен бойда бірден жуып тастаңыз. Процедурадан соң тері ығалданған, күтімді бола түседі.

Неслихан Атагюль

Үйде пилинг жасау

Түріктер ұсақ әжімдерден арылу үшін ұнтақталған бадамды сүтпен араластырып қолданады. Бұл керемет табиғи пилинг. Мұндай бадам пилингінің дайын түрлері де сатылады. Түрік әйелдер жиі қолданатын тағы бір скраб-пилинг — кофе пилингі. Егер кофе жақсы көретін адамдар қатарына жатсаңыз, кофемашинадағы ұнтақталған дәндерді пайдаланыңыз. Ал егер кофемашина болмаса, дүкеннен дайын кофе пилингін сатып алуға болады.

Ұйқыны қандыру

Ұйқы біздің сұлулығымыз бен саулығымызға аса қажет. Түрік әйелдері ұйқыдан ерте тұрғанды жақсы көрмейді.

Айча Айшин Туран

Ұйықтар алдында күтім процедураларын жасау

Түрік әйелдерінің ойынша, күтім құралдары түнде жақсырақ жұмыс істейді. Олар крем, маска немесе сарысуларды бетке қалың етіп жағып, түнге қалдырады.

Алқызыл су қолдану

Алқызыл су — қазіргі кездегі танымал бьюти-құралдардың бірі. Ол теріні ылғалдандырады, тыныштандырады және қалпына келтіреді. Сондай-ақ қабынуға және бактерияларға қарсы әсерлерге ие. Алқызыл суды үйде дайындауға болады: раушан гүлдері күлтелеріне қайнаған су құйып, тұндырып қойыңыз. Күніне екі рет осы тұнбамен бет пен мойынды сүртіңіз. Сондай-ақ бұл тұнбаны мұз қатыратын ыдысқа құйып, мұздатқышқа салып қою арқылы косметикалық мұз дайындауға болады. Содан соң онымен таңертең бетті сүртсеңіз, теріңіз балғын және ылғалданған бола түседі.

Демет Оздемир

Табиғи зәйтүн майын пайдалану

Зәйтүн майы жалпы көптеген елдер косметологиясында өте танымал. Ол көптеген құралдардың құрамында бар, бірақ түрік әйелдері оның табиғи түрінің пайдалы қасиеттеріне сенеді. Зәйтүн майы шашқа пайдалы: ол оны жылтыр, жұмсақ және жібектей етеді.