Тез арықтаудың жолы: алма мен айран

Қышқыл сүт өнімдерінің құрамында асқазан-ішек қызметін қалыпқа келтіретін пайдалы бактерийлер мол. Сондықтан айран адам денсаулығы мен артық салмақтан арылуы үшін өте пайдалы.

Алма мен айран диетасы ұзаққа созылмайды. Аз уақыттың ішінде ағзадағы артық су мен майды шығарып, тазартуға көмектеседі.

Бұл диетаны үш күн ұстау керек. Алғашқы күні 1-1,5 л майлы емес айран, екінші күні 1-1,5 кг алма, ал соңғы күні 1-1,5 л айран ішу керек. Бұдан артық еш нәрсе жемеуге тырысқан жөн.

Су, көк шай, шөп шай ішуге тыйым салынбайды. Кез келген уақытта, кез келген мөлшерде іше беріңіз. Алма мен айран диетасы 3-4 кг салмақтан арылуға көмектеседі.

Мұндай диетаны ұстау көп адам үшін қиынға соғады. Тағамнан бас тартып, үш күн бойы айран және алмамен тамақтану оңай емес. Сондықтан диетаға толық дайын болғаныңызда ғана ұстаған жөн.

Егер алма жеуді ұнатпасаңыз, оның орнына басқа жеміс не көкөніс таңдауыңызға болады. Картоп пен бананның құрамында крахмал бар болғандықтан, алманың орнын баса алмайды.

Егер қиярды таңдайтын болсаңыз, айранмен бірігіп ағзаны үш күннің ішінде толықтай тазартып шығады.

Ал сіз қандай диетаны байқап көрдіңіз?