Иекке арналған жаттығулар
![Иекке арналған жаттығулар](/userdata/news/news_36118/image_l.jpg)
Иек астында қосымша иектің пайда болуы иек аумағындағы май үлесінің көбейгенін көрсетеді. Егер сіз сымбатты, бет-әлпеті адам болсаңыз да, қосымша иек келбетіңізге нұқсан түсіріп тұрады.
Қосымша иек неге пайда болады?
Қосымша иек пайда болуындағы негізгі себептердің бірі - тұқым қуалау, тері құрылысындағы ерекшеліктер және иек астына майдың жиналуы. Әсіресе, бұл отбасылық альбомдағы суреттерден жақсы көрінеді. Алайда, қосымша иектен де құтылуға болады.
Қосымша иек пайда болуының тағы бір себебі - төменгі жақтың дұрыс дамымауы. Уақыт өткен сайын, терінің өзгеруі, мойын бұлшық еттерінің созылуы, дереу артық салмақтан арылу немесе керісінше, тез семіріп кету де иек астынан екінші бір иектің пайда болуына әкеледі. Жауырынның үнемі бүгіліп тұруы мен жүрген кезде басты төмен жіберу, сондай-ақ, биік жастықта ұйықтау, калориялы, майлы тағамды қабылдау де қосымша иектің пайда болуына соқтырады.
Егер күн сайын иекке арналған жаттығулар жасап тұрсаңыз, бұл қиындықтан да құтылуға болады. Жаттығуды күн сайын таңертең және жұмыс арасында жасаңыз.
Қосымша иектен арылуға арналған жаттығу
Иек пен мойынға арналған әдеттегі жаттығулар бұлшық етті қатайтуға көмектеседі. Күнделікті жаттығуа 15 минут бөлсеңіз, нәтиже де көп күттірмейді.
Қосымша иекті алдымен алақанның сырт жағымен соғыңыз. Саусақтарыңыз бір біріне қысып ұстап, мейілінше тезірек соғыңыз. Иекті соғу 2 минуттан аспауы керек. Бұл жаттығудың ең үлкен пайдасы - кез келген жерде және кез келген уақытта орындай беруге болады.
Қосымша иекке арналған жақсы жаттығулардың бірі - үй ішінде басқа кітап қойып жүру. Ауыр әрі үлкен кітапты басыңызға қойыңыз да, арқаңызды тік ұстаңыз. Иегіңіз алдыға кетпей, жоғары тұру керектігін назарға алыңыз да, шамамен 5-7 минут жүріңіз. Бұл жаттығу иек пен мойын бұлшық еттерін жақсартып қана қоймай, арқаңыздың тік болуына да әсер етеді.
Келесі жаттығу кезінде сіз иегіңіздің астына ауыр жүк іліп қойғандай әсерде болуыңыз керек. Ал сіз оны күшпен жоғарыға тартып, иек бұлшық еттерін нығайтасыз. Бұл жаттығуды отырып немесе тұрып 2-3 минут орындайды.
Қосымша иекті кетіруге арналған тағы бір жаттығу - тілдің ұшын мұрынға жеткізуге талпынып, осы қалыпта 10-15 секунд аялдау. Мұны 8-10 рет қайталаңыз. Тіліңізді шығарып, ауада сегіз санын салуға да тырысқан жөн.
Ерінді алға созып, иек бұлшық еттерін шынықтыру арқылы «О», «И», «У» әріптерін анық айтуға әрекеттеніңіз. Әрбір дыбысты 7-12 рет қайталаңыз. Еріннің төменгі бөлігін ішке қарай тартып, иектегі бұлшық еттерді шынықтырыңыз да, бір минуттай аялдаңыз.
Келесі жаттығуда орындау үшін орындыққа отырып, шынтағыңызды орындықтың жоғары жағына қойып, иегіңізді бір ырғақпен алға созыңыз да , жоғары көтеріңіз. Бұл 1 минутқа созылады.
«Жираф» жаттығуы. Бастапқы қалпыңызда тік тұрасыз. Саусақтарыңызбен иығыңызды қысыңыз да, иегіңізді жоғары көтеріңіз. Ішіңізге ауа тартыңыз да, осы қалыпта 10-12 секунд тұрақтаңыз. Ауаны шығарғанда иекті төмен жіберіңіз де, денеңізді бос ұстаңыз. 4-6 рет қайталаңыз.
Кешенді жаттығуда аяқтарда иек астын алақанның сыртымен соғамыз да, мойын мен иекке иісмай жағамыз.
Дереккөз:
О. Сансызбай