Ғалымдар арықтаудың оңай жолын тапты
![Ғалымдар арықтаудың оңай жолын тапты](/userdata/news/news_32147/image_l.jpg)
АҚШ-тағы Корнель университетінің ғалымдары 1 жыл ішінде 11 кг-ға арықтаудың оңай жолын тапты. Ең бастысы, арықтау үшін ашығудың немесе физикалық жаттығулар жасаудың қажеті жоқ.
5 аптаға созылған зерттеу жұмысына 17 ерікті қатысты. Бастапқыда барлығы бірдей тамақ жеді. Артынша арада 2 апта өткен соң олар екі топқа бөлінді. Алғашқы топ бұрынғыдай тамақтанса, екінші топ түскі асқа калориясы аз тағамдар жеді. Екі аптадан кейін тәжірибеге қатысушы еріктілер орындарымен алмасты.
Нәтижесінде түскі асқа 250 ккал-дан аспайтын тағам жейтін адамдардың 500 гр-ға арықтағаны белгілі болды. Бұл – 10 күннің көрсеткіші. Еріктілер зерттеу жұмысы жүргізіліп жатқан кезде ашықпаған және арнайы жаттығулар жасамаған.
Қ. Бүйенбай