Биік өкше шаршатса
![Биік өкше шаршатса](/userdata/news/news_39585/image_l.jpg)
Биік өкшелі аяқ киім қай қызға болсын ұнайды. Мерекелік кештерде құлпырып жүруге негіз болатын қыздар аксессуарының басты бөлшегі де осы биік өкшелі аяқ киім. Бірақ, аяқтың шаршағанын оны шешкен соң ғана сезесіз. Осы сәтте аяққа жасалуы керек мына жаттығуларды есте сақтаңыз.
Әр жаттығуды 1 минут шамасында орындаңыз.
1. Жерге отырып, табандарыңызды қабырғаға тіреңіз. Қажет болса жастықшаға отырсаңыз болады. Денеңізбен алға барынша еңкейіп, башпайыңызды ұстауға тырысыңыз.
2. Түзу тұрып, алдыға оң аяқпен бір қадам жасаңыз. Сол аяғыңызды сәл көтеріп, дәл суреттегідей қойыңыз. Бір сәтке осылайша қатып қалып, кейін аяқтарыңызды ауыстырыңыз.
3. Орындыққа отырып, сол аяқты оң тізеге айқастырып қойыңыз. Оң қолмен сол аяқ саусақтарын уқалаңыз. Басқа аяқпен де дәл осылай қайталаңыз.
Г. Берік