Бетті жұмсартатын маскалар
![Бетті жұмсартатын маскалар](/userdata/news/news_31877/image_l.jpg)
Көптеген қыз-келіншек жас кезінде ғана бет терісі жұмсақ болады деп сенеді. Алайда, жас ұлғайғанда да бетті жұмсақ, нәзік қалпында сақтауға болады. Арнайы күтімнің көмегімен бет терісі 25-те де, 35, 40-та да жұмсақ, созылғыш болады.
Зәйтүн майы
Зәйтүн теріні нәрлендіріп, жұмсақ етеді. Күнделікті жағатын иісмайдың орнына өсімдік майын пайдаланып көріңіз. Біраз уақыттан соң өзгерісті де байқайсыз.
Сұлы
1 ас қасық сұлы қауызын 1 ас қасық бал мен сүтке араластырыңыз. Масканы бетке жағып, бетті уқалаңыз. 15 минуттан кейін жылы сумен жуып тастаңыз.
Желатин
15 гр желатинді бір стақан суға салып, 1 шай қасық лимон мен глицерин қосыңыз. Қоспаны бетке жағып, 15 минуттан соң жылы сумен жуып тастаңыз.
Жұмыртқа сарысы
Жұмыртқа сарысын өсімдік майы (шабдалы, өрік, миндаль, зәйтүн, майсана, күнжіт, жүзім майларының бірін таңдауыңызға болады) мен 1 шай қасық балмен араластырыңыз. Қоспаны жақсылап араластырған соң бетке жағып, 15 минуттан кейін жуып тастаңыз.
2 жұмыртқа сарысын 1 ас қасық глицерин, 1 ас қасық балмен араластырыңыз. Қоспаны бетке, мойынға жағып, 15 минуттан кейін жуып тастаңыз.
Осы маскалардың бірін таңдап, үнемі пайдаланып тұрыңыз. Бір рет қана жасаған соң нәтижесі болмайтынын ұмытпағайсыз.
Ф. Абилова