Бет терісінің өңін мінсіз ету үшін...
![Бет терісінің өңін мінсіз ету үшін...](/userdata/news/news_20505/photo.jpg)
Табиғилық ешқашан сәннен қалмайтыны белгілі, бірақ бұл далаға жуынбай шыға салу керек дегенді білдірмейді. Мінсіз тері - бұл дұрыс күтім мен макияждың үйлесімі. Кезекті материалымызда мінсіз теріге қол жеткізудің 4 кезеңі жайлы әңгімелейміз.
Тазарту
Бет терісінің сау реңі дұрыс тазалау мен ылғалдаудан басталады. Егер терің нәзік болса, оны көпіршікпен жуған абзал, ал егер майлы, не аралас болса - гель-скрабпен. Бұдан кейін тоникпен сүртіп, ылғалдандыратын крем жақ. Үшсатылы тері күтімінің стандартты схемасы осы. Барлығын ережедегідей жасап, 15-тен 30 минутқа дейін күте тұр және содан кейін ғана кемшіліктерді жасыруға кіріс.
Қосымша: Егер крем толық сіңіп болмаса, тоналды крем жағар алдында бетті майлықпен сулап ал.
Тоналды крем
Тоналды крем біркелкі жағылуы үшін және бетте маска сияқты көрініп қалмас үшін оны аз мөлшердегі макияж астына жағатын құралмен немесе жеңіл ылғалдандыратын креммен араластырып ал (ең бастысы бұл құрылғылар тері типіңе сәйкес болса болғаны). Сонымен қатар, спонж емес, тоналды крем жағуға арналған арнайы шашақты пайдалануды ұсынамыз (спонж көбіне нақты бір аймаққа таңбалап жағуға жарайды). Тоналды кремнің реңкі бет терісінен бір реңкке ашық болғаны жөн. Егер ол бет терісінің реңкімен сәйкес болса, қарама-қарсы әсерге тап боласың.
Қосымша: Қызаруды, көз астының қараюын және бөртуді жасыру үшін корректорды пайдалан. Түрлі түсті корректорды тоналды кремнің алдында, ал түссіз корректорды (тоналды креммен бірдей реңкті) қай кезде жақсаң да өзің білесің.
Еңлік
Өз реңкіңе сәйкес келетін еңлік таңдауға тырыс. Ақсары қыздарға алқызыл түстер, қараторы қыздарға - қола түсті және қою қызыл, ақшыл сары-алқызыл түстер бәріне жарасады.
Қосымша: Еңлік дұрыс жағылуы үшін күл де, ең қатты шығып тұрған аймаққа жақ. Ал егер жалпақ бетті тарылтқың келсе теріңнен екі реңкке қошқыл еңлік пайдалан және оны бет сүйегіне жақ.
Екпін
Макияжды бекітіп, табиғилығын арттыруға визажистердің құпиясы бар: теріге термалды су сеуіп, бетті майлықпен абайлап дымқылдау қажет. Нәзік жылтыраған көз бояулары, бірнеше қабат кірпікке арналған тушь пен ерін жылтырағы - болды, көшеге шығуға дайынсың.
Қосымша: Бұдан өзге, хайлайтерді де пайдалана аласың. Оны жақ сүйегінің ең жоғарғы нүктесіне, үстіңгі еріннің контурына және көздің ішкі бұрышына жағу керек. Бірақ мұның өзіндік ережелері бар. Сондықтан оны қолданар алдында ережелермен танысып алған жөн.
Сурет: www.catchwallpapers.com
Дайындаған: Анар Мұстафина
Оқи отырыңыз:
Корей қыздарының құпиясы: бет терісін тазарту мен ылғалдандыру
Қара нүктелерді қалай жеңуге болады?