Артық салмағыңыздың сыры неде?

Семіздік «дертіне» шалдыққандар саны соңғы жылдары артып келеді. Ал оны дер кезінде тоқтатпаса, түрлі аурудың қозуына себепкер болатыны айдан анық. Негізінен, семіздіктің алты түрі болады. Сіздегі артық май олардың қайсысына жататынын білесіз бе? 

1. Бүкіл денені май басу 

Егер сіздің жағдайыңыз бірінші суреттегідей болса, онда тамақсау болғаныңыз. Қомағайлық – артық салмақты көптеген адамдардың негізгі мәселесі. Өзі тойса да, көзі тоймай, шамадан тыс бір қасық асап қоюдың нәтижесі бірден мүсініңізде-ақ менмұндалап тұратын болады. Сондықтан ас мәзіріңізге және оның мөлшеріне көңіл аударыңыз. Тәттілер мен ұн өнімдерін, өте майлы тамақтарды мәзіріңізден сызып тастаңыз. Сондай-ақ тамақтанудан жарты сағат бұрын 2 стакан су ішу қулығын да байқап көруге болады. Дене жаттығуын жасай жүруді де ұмытпаңыз. Сонда нәтижеге тезірек қол жеткізесіз. 

2. Қойқарын 

Томпиып қарныңыз ғана шығып тұра ма? Ендеше, сіз «артық тамақ жеп қойдым» деп түрлі диета ұстап жүрмеңіз. Томпиған қарын – артық астың емес, күйзеліске көп түсіп, уайыммен жүретініңіздің белгісі. Мұндайда жанның тыныштығын ойлаңыз, өзіңізге ұнайтын іспен көбірек айналысып, әр күннің әдемі сәттерін көре білуді үйреніңіз. Ал ұсақ-түйек тұрмыстық мәселелердің мүсініңізді бұлай «бүлдіруіне» жол бермеңіз. 

3. Глютенді семіздік 

Жамбас тұсының «семіруі» гормональді дисбаланс немесе менопауза, яғни етеккірдің толық тоқтауынан хабар береді. Мұндайда көбірек қозғалып, жаман дағдыларды ұмытқан жөн. 

4. Зат алмасудағы дисбаланс 

Мұндайда артық май құрсақ қуысында жиналып, тіпті дұрыс дем алуға кедергі келтіруі де мүмкін. Одан арылу үшін көбірек қозғалыста болып, зиянды тағамдарды тұтынбау керек. 

5. Күре тамыр жолдарының семіруі 

Семіздіктің бұл түрі ген арқылы беріледі. Десе де, «Тұқымымнан» деп қарап отырмай, күресу керек. Егер май аяқта жиналатын болса, оған біраз күш түсіріп, қозғалу қажет. Мұндайда жедел сатыны мүлде ұмытып, тек баспалдақпен жүруді қолға алыңыз. 

6. Қозғалыстың жоқтығынан семіру 

Өте аз қозғалатын адамдарда семіздіктің дәл осы түрі болады. Олар, негізінен, кеңсе қызметкерлері екені айтаса да түсінікті. Сондықтан мейлінше көбірек қозғалыста болып, мүсініңізге ғана емес, денсаулығыңызға да еріншектігіңіздің кесірі тиіп кетпеуін қадағалаңыз.

Дереккөз: anabol.kz