"Сөз өнері дертпен тең" дейді дана халқымыз. Сөз – біздің бүкіл болмысымызға, бүкіл жан дүниемізге сіңген құдірет. Жақынымызға, айналамыздағы адамдарға ойымызды, пікірімізді һәм сезімімізді сөз арқылы білдіреміз. Сөздің де бірнеше түрі бар: жай сөз, бос сөз, мылжың сөз, жеңіл сөз, ауыр сөз, мағыналы сөз, т.б. Мың көңілдің жарасын жазатын да осы бір жылы сөз екені анық. "Бал тамған тілден у да тамады". Біз қаншалықты сөзімізді орынды қолданып жүрміз? Жалпы, сөз дегеніміз не? Халқымыздың асылдары бұл жайында не дейді екен?!
Сөз — халықтың қымбаттан қымбат кені.
Сәбит Мұқанов
Сөз көңілге сипат жағының көркемдігімен, мағына жағының күштілігімен жағады.
Ахмет Байтұрсынұлы
Жаманға оқ өтсе де, сөз өтпейді.
Ғабит Мүсірепов
Түркіні бұзар - тәтті сөз.
Білге қаған
Сөз — істің елесі.
Демокрит
Адамзат баласы ойлап тапқан қарулардың ішіндегі ең жойқыны – сөз.
Пауло Коэльо
Көп сөйлеген мылжың шын сөзді аз айтады.
Ыбырай Алтынсарин
Күн жылытпайтын суық көңілді сөз ғана жылыта алады.
Ғабиден Мұстафин