Жамандыққа – жақсылық...

Уақыты келе, біздер өзіміз жайлы немесе өзгелерге қаратып айтылған мадақ-мақтауларды естіп жатамыз:"...сен жақсысың!". Әйтпесе, тіптен керісінше болып жататын кездер болады. Міне, сол уақытта алғаусыз адалдығың мен жақсылығыңа қарамастан, кінәлап жататындар кездеседі. Осындай уақыттарда жақсылық пен жамандық туралы қарама-қарсы ұғымдардың төңірегінде ойға шомыларыңыз сөзсіз.

"Жақсының жүрген жері - шашу, жаманның жүрген жері - ашу" (Қадыр Мырза Әли).

"Адам қаншалықты ақылды әрі жақсылық жасауға ұмтылған сайын, соғұрлым адамдардағы жақсылықты байқағыш келеді". (Паскаль).

"Адамның бойындағы жақсылыққа баға беру үшін, осы қасиеттің кішкене бөлігі өзінде болуы тиіс". (Вильям Шекспир).

"Шынайы жақсылық адамдарға деген шексіз мейірімділіктен көрінеді" (Жан Жак Руссо).

"Жақсылық. Барлық қасиеттердің ішінде осыған бірінші болып қол жеткізгім келеді" (Лев Толстой).

"Бұл өмірде бір ғана күмәнсіз бақыт бар - өзгелер үшін өмір сүру" (Лев Толстой).

"Жүрекпен істелген жақсылық ең алдымен өзіңе пайда"  (Лев Толстой).

"Жақсы адам болу дегеніміз - жамандықтарды жасамау ғана емес, сонымен қатар қаламау" (Эпикур).

"...жақсылықтың парасатты болып көрінуі оның иесінің өмірлік әлсіздігінен, жамандық болса - мақсатты әрі қуатты..." (Ф.Ницше).

"Жақсылыққа жақсылықпен жауап беру керек, ал жамандыққа әділдікпен жауап берген дұрыс" (Конфуци).

"Менің алдымда жақсылық пен жамандық тұрса, онда мен екеуінің арасында өз таңдауымды жасай алам. Жамандықтың табиғаты сол - адам оны қалауы мүмкін, бірақ міндетті түрде жасауы тиіс" (Гегель).

сурет:cernogora.blogspot.com

Дайындаған: Фараби Бақыт