Бүгін француз ақыны Сен-Жон Перс дүниеге келді

Сен-Жон Перс - француз ақыны. Әдебиеттегі бүркеншік есімі - Алексис Леже (Сен-Леже).  1960 жылғы Нобель сыйлығының лауреаты.

Сен-Жон Перс 1887 жылы 31 мамырда Францияның иелігі Гваделупада Амади Сен-Леже есімді адвокат кісінің отбасында дүниеге келген. Олар 1815 жылға дейін Гваделупада өмір сүріп, 1875 жылы Францияға қоныс аударған. 

1911 жылдан бастап, Алексис сыртқы істер министрлігінде жұмыс жасай бастайды. 1916-1921 жылдары Францияның Пекиндегі елшілігі қызметін атқарады. Ал өміріндегі ең керемет сәт 1921 жылы орын алады. Вашингтонда өтіп тұратын кезекті конференциялардың бірінде еркін ойымен көсіліп тұрған жас жігітке француз елшілігінің басшысы Аристид Брианның көңілі ауып, уыздай жап-жас болашақ ақын көмекші болып тағайындалады. Елге оралған соң, әдебиет ортасында Андре Жида мен Поля Валерилермен тығыз қарым-қатынаста жүреді.

1924 жылы Леже әдебиеттегі өз бүркеншік атымен танылады. Ол "Сен-Жон Перс" деген лақап атын сол кездегі апостол Иоанн мен I ғасырда өмір сүрген рим ақыны Персияның есімдерінен құрастырып алады. 1933-1940 жылдары Францияның Сыртқы істер министрлігінің бас хатшысы болып тағайындалады. Алайда, Мюнхенде өткен конференцияға қатысып, Германияға деген қарсы ойын жасырмай айтамын деп, сонысы үшін 1940 жылы қызметінен қуылады. Және АҚШ-қа жер аударылады. 

Француз азаматтығынан айырылып қалған Леже АҚШ-та жүріп конгресс кітапханасында жұмыс жасайды. Екінші дүниежүзілік соғыстың біткеніне де қарамастан, Америкада қала беріп, Отанына аз уақытқа барып-келіп жүреді. Отты ақын 1975 жылдың 20 қыркүйегінде дүниеден өтеді. 

Сурет: calendar.am