Baikonyr Short Film Festival: Бүгін өзбек киносының көрсетілімі өтеді

Бүгін Baikonyr Short Film Festival-де өзбек киносының көрсетілімі болады. Қысқаметражды картиналар байқаудан тыс бағдарламада көрермен назарына ұсынылады. Тізімге Өзбекстан режиссерлерінің 5 картинасы енген.  

Көрермен көрші мемлекеттің үздік фильмдерімен таныстыру мақсатында ашылған. Күні кеше қырғыз қысқаметражды фильмдерінің көрсетілімі болып, тізімдегі картиналар қатарынан Евгений Чистяковтың "Таш-көмір" аталатын туындысы ерекше қошеметке бөленді.

Бүгін сағат 18:00-де Saryarka Kinoplexx- те болатын кино тізімінде Мухлиса Азизованың (ХIII "Еуразия" ХКФ және Канндағы Short Film Corner қатысушысы, PROlogue фестивалінде "Үздік қысқаметражды фильм" жүлдесі) "Бойжеткен" картинасы, Мафтуна Аллокулованың (PROlogue фестивалінде "Үздік сценарий" жүлдесі) "Хорезм – менің махаббатым" фильмі, Ильхамджанов Абдуазиммен Абдурахманов Ботирдың ("Ертіс Cinema" ХКФ III дәрежелі дипломы, "Қырғызстан – қысқаметражды фильмдер елі" фестивалінің қатысушысы) "Ана" картинасы, Шокир Халиковтың "Шәй" және Дилшода Абдурахимованың "Qulun" таспасы бар.

Естеріңізге сала кетейік, III Baikonyr Short Film Festival 20 қыркүйек күні басталған болатын.