2017 жылдың ең танымал фильмі

Белгілі Rotten Tomatoes сайты 2017 жылдың ең танымал фильмін атады. Дауыс беру нәтижесі бойынша бірінші орынды хоррор жанрында түсірілген Джордан Пилдің "Прочь" фильмі алды. 

Фильм 300-ге жуық киносыншылар тарапынан 99% дауыс жинады. Көрермендер фильмді 87 пайызға бағалады. Фильмнің сюжеті ақ нәсілді сүйіктісінің бай ата-анасымен танысқан қара нәсілді фотографтың тарихына негізделген. Жас жігіттің сапары тірі қалу үшін үлкен күреске айналады. Өйткені оның сүйіктісінің отбасы нәсілшілдікті қатты ұстанады.

Екінші орынға 242 сыншы тарапынан 98%, көрермендерден 89% дауыспен Майкл Шоуолтердің "Любовь" фильмі жайғасты. Ал, "Дюнкерк" фильмі 92 және 82 пайызбен үздік үштікті қорытындылады. 

Ары қарай ондыққа "Керемет әйел", "Леди Берд", "Логан", "Жұлдызды соғыс: Соңғы джедаи", "Малыш на драйве", "Коконың құпиясы" және "Тор: Рагнарек" фильмдері кірді.