Назарбаев: Менің үстімдегі киім Қазақстанда тігілген
![Назарбаев: Менің үстімдегі киім Қазақстанда тігілген](/userdata/news/news_32509/image_l.jpg)
Қазақстан Президенті Нұрсұлтан Назарбаев отандық кәсіпкерлерді жеке өндірісті дамытып, "Қазақстанда жасалған" маркасымен өнім шығаруға шақырды.
"Жергілікті өндірісті дамыту керек. Бүгін екі кәсіпорыннан "Қазақстанда жасалған" деп жазылған сөзді көргенде қатты қуандым", - деді Назарбаев Атыраудағы Ақтөбе, Атырау, Маңғыстау және Батыс Қазақстан облыстарының әкімдерімен болған жиын кезінде.
Назарбаев өзінің қазақстандық өнімдерді жарнамалаушы екенін айтты. "Менің үстімдегі киім Қазақстанда тігілген", - деді Президент. Ол үстіндегі пиджагын шешіп, этикеткасын көрсетті. "Аяқкиімім де Қазақстанда тігілген", - деді ол.
Осыдан кейін Мемлекет басшысы бірінші қатарда отырған инвестиция және даму министрі Әсет Исекешевті меңзеп, "Оның да киімі Қазақстанда тігілген" деді.
Дереккөз: Тengrinews.kz