Елімізде ең жүйрік тазы мен төбет анықталды. Осы демалыста Ақмола облысында иттер арасында республикалық байқау өткен болатын. Қазақ хандығының 550 жылдығына орай ұйымдастырылған шараға барлық өңірден 75 тазы мен 19 төбет әкелініпті.
Алғаш болып қашықтыққа жүгірген – тазылар. Сағатына 80 шақырым жылдамдықпен жүйткитін төрт аяқтылар 250 метрге жүгіріп жарысты. Сөйтіп, сайыс қорытындысы бойынша алматылық тазы мен көкшетаудан келген қазақы төбет жүйрік деп танылды. Белгіленген қашықтықты жылдам жүгіріп өткен бұл командалар бағалы сыйлықтар мен мақтау қағаздарына ие болды. Ал жиналғандар түрлі иттермен суретке түсіп, аукцион арқылы кемі 50 мыңға бағаланған күшіктерді сатып алды.
Дереккөз: ktk