Қазақ хандығының 550 жылдығын мерекелеу аясында Керей мен Жәнібек хандары ескерткішіне гүл шоқтары қойылды.
Аталған шараға ҚР Мемлекеттік хатшысы Гүлшара Әбдіқалықова, ҚР Бiлiм және ғылым вице-министрi Тахир Балықбаев, Астана қаласы әкімінің орынбасары Ермек Аманшаев және зиялы қауым өкілдері қатысты.
Керей мен Жәнібек хандар ескерткішін орнату Елбасы Нұрсұлтан Назарбаевтың идеясы екенін атап өткеніміз жөн. Елбасы өз сөзінде Керей мен Жәнібек осыдан 500 жыл бұрын қазақ хандығының негізін қалағанын айтқан. Ескерткіштің орны кездейсоқ таңдалмаған, себебі Астана - Қазақстанның тәуелсіздігінің символы.
Мүсіндік композицияның барлық элементтері тұтас бір қалыпта әзірленіп, таза қоладан құйылған. Ескерткіштің жалпы салмағы - 16 тоннадан артық. Монументтің авторы - қазақстандық мүсінші Ренат Әбенов.
Дерекөз:inform