Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Бозбала / Психология / Жұбайлардың сыйластығын арттыру үшін не істеу керек?

Жұбайлардың сыйластығын арттыру үшін не істеу керек?

Жұбайлардың сыйластығын арттыру үшін не істеу керек?

Неке – қайық, өмір – теңіз. Қайығыңызды өмірдің дүлей теңізі шыр көбелек айналдырып алып кете ме, тасқа соғып, күйрете ме, әлде теңіздің тынық кездерін тамашалап, дауыл соққанда иық тіресіп, ескекті бірге есіп жүріп, көздеген жағалауыңызға жетесіз бе?

Әлбетте, қайықтың тағдыры ерлік-зайыптылардың қолында. Жұбайылардың біріне-бірі деген сыйластығы арта түсу үшін не істеу керек?

Төмендегі кеңестерге ден қойып, отбасыңызға әдет етіп қалыптастырыңыз.

1. Жәрдем. Жұбайының көмегіне көбінесе келіншектер мұқтаж. Оған бірнеше себеп бар: ер адам күні бойы үйден тыс жұмыс істеп шаршайды, оған әйелінің үйдегі күйбең тірлігі көрінбейді. Қоғамда да әйелдің үй ішіндегі жұмысы төмен бағаланады, тіпті еңбек деп саналмайды. Шын мәнінде, бұл шаршататын, кейде мезі қылатын бір сарынды еңбек. Еңбегінің көрінбейтіні әйелді одан сайын қажыта түседі. Сондықтан осы мәселені талқылап, ерлік-зайыптылар өзара шешуі тиіс. Оның жолдары көп: ер адам күніне бір сағат немесе аптасына екі-үш сағат балаға қарайды, ал келіншегі сол кезде тынығады немесе өзіне қажет шаруаларын істейді, не болмаса, дүкеннен тамақ алуды күйеуі өзі мойнына алады, тағы басқа амалдарды ойластырып, қолдануға болады.

2. Алғыс. Жұбайлар бір-бірінің көмегін, еңбегін, қамқорлығын елеусіз қалдырмай, әрдайым ризашылық білдіріп, сол көмектің қаншалықты құнды екенін айтып отырса, өзінің де, жұбайының да мейірін асырып отырар еді. Балаға да жақсы өнеге. Ата-анасының өзара сыйластығы баланың өзіне-өзі деген сенімін нығайтады.

3. Қолдау. Жұбайыңыздың бастамасын, ой-пікірін жер қылмай, көңіл қойып тыңдап, қолдау көрсетіп отырыңыз. Анық көрініп тұрған қателігі болса, намысына тимей, жұмсақ сөзбен жеткізіп көріңіз. Келіспесе, өз дегеніңізге көндіруге тырыспаңыз. Жұбайыңыз – ересек, ақылды адам емес пе? Тіпті қателессе де, не қылар? Егер мәселенің ұшы сізге де тиетін болса, біржола шешім қабылдауды кейінге қалдыра тұруын сұраңыз. Қолайлы сәт туғанда, қайта оралып, ақылға салыңыз.

4. Адамға жеке кеңістік қажет, соны ұмытпаңыз. Кейде адам жалғыздықты, тыныштықты қажет етеді. Кейде үйден тыс, құрбы-құрдаспен бірге болғымыз келеді. Әйел адам кейде құрбыларымен серуендесе, ер адам балық аулап келсе, бірінен-бірі тынығып, қайта қауышатын болса, қарым-қатынасы нығая түседі. Еркектің етегіне жармасудың да, әйелді де үйде қамап ұстаудың да ешкімге пайдасы жоқ.

0
Рейтинг: +0

Дайындаған: Қымбат Слямбеков
Фото: El.kz
Қосылған күні: 01 наурыз, 12:13

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.