Өзге емес, мұрын айтады сіз жайында (тест)

Өзге емес, мұрын айтады сіз жайында (тест)

Адамның сырт келбеті мен ішкі жан дүниесі бір-бірімен тікелей байланысты екені әлдеқашан дәлелденген. Қазір бұл сұрақпен физиогномика айналысады және ол күннен күнге дамып келеді. Ал сіздің мұрыныңыздың пішіні қандай?

1. Ірі мұрын
Көлемімен көзге түседі. Мұрын қырында иіліс жоқ, ұшы төменге қарай түсіңкі біткен. Нубийлердің мұрны секілді пішінге ие болса, бұл адамдар оптимист. Өзіне мұқтаж адамдарға әрдайым қол ұшын созуға әзір. Достары, араласатын ортасы көп, көпшілікке сүйкімді, кез келген мәселеден оңай шығып кетеді.

2. Грек мүсінді
Мұрны грек мүсіндеріне ұқсайтындар көпшіліктің назарында болуды ұнатпайды. Табиғаты тұйық болғандықтан, ішкі сезімдерін ашық көрсете алмайды. Бірақ олар достарына аса адал жандар.

3. Құс тұмсық
Адам мұрны құстың тұмсығы секілді үшкірленіп тұратын болса, ол жанкештілігімен көзге түседі. Егер шын қаласа, өзгелер үшін өзін құрбан қылуына да таң қалмайсыз.

4. Арка
Ұшы сүйірленіп келетін үшкір мұрын. Мұндай мұрынды адамдар аса әділетті, мінезі ашық. Олар алға қойған мақсатына қайтсе де жетпей тынбайды.

5. Картоп мұрын
Кішкентай ғана, шағын мұрын. Мұндай мұрынды адамдар көптеп кездеседі. Олар айналасындағыларды таңғалдырарлық, тың шешім қабылдауға шебер. Күшті мінез иесі. Көп сөзді созбай, бірден іске кіріскенді ұнатады.

6. Қыр мұрын
Қыр мұрынды келбеттілер Азия халқында көп кездеседі. Жалпақ қуысты, тік сызықты мұрын иелері ашулы мінезімен танымал. Оны сабыр жолынан тайдыру оңайдың оңай.

7. Дөңесті мұрын
Мұндай мұрынның қырында кішкене дөңесі бар. Тез ренжігіш, көңілі бос, сезімтал адамдардың мұрны осындай болады. Бірақ жаны кең, көпшілікке көмектескісі келіп тұрады, өзгелердің мәселесін шешіп береді.

8. Қисық мұрын
Сырт келбеті келісті болмаса да, мұндай адамдар өте төзімді, мейірімді келеді. Олар аса адал дос, өмірлік бағдар. Егер бірнәрсеге кіріссе, басымен беріліп кетеді.

Ал сіз берілген сипаттамаға келісесіз бе?

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Эксперимент: Уикипедияда шағын қалалар туралы жаңа ақпарат туризмге ықпал еткен
Эксперимент: Уикипедияда шағын қалалар туралы жаңа ақпарат туризмге ықпал еткен
Әлем халықтарының ұлттық музыкасы жиналған сайт
Әлем халықтарының ұлттық музыкасы жиналған сайт
Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер
2020 жылғы "Болашақ" стипендиясы иегерлерінің тізімі жарияланды
2020 жылғы "Болашақ" стипендиясы иегерлерінің тізімі жарияланды