Әр жастағы бала ата-анасы жайлы не ойлайды?

Құрметті оқырман, бүгін біз баланың әр жастағы ата-анасы жайлы ойының қандай болатындығы жайлы сөз қозғамақпыз. Арасында күлетін де, жылағың келетін де, ойланатын да жерлері бар. Бастысы – шындықтың нақ өзі.  

Сәби кезде

Анасы туралы: Дәмді тағам, сүттің иісі шығады, ұйықтар кезде ән айтады;

Әкесі туралы: Кешке келіп сүйеді, бетіндегі тікені ұнамайды;

1-3 жаста

Анасы туралы: Ұйықтайтын кезде ән айтады, ең әдемі, ең мейірімді;

Әкесі туралы: Төбеге лақтырып жүрегімді алады, ән айта алмайды;

3-6 жаста

Анасы туралы: Балабақшаға апарады, балабақшадан әкеледі, маған ұнамайтын сорпаны ішкізеді, ойыншық әпермейді, жыласам көп ойыншық әпереді;

Әкесі туралы: Балабақшадан алуды ұмытып кетеді, әткеншекке апарады, мейірімді, мейірімділігі соншалық, қолымды жумай балмұздақ жей беруіме рұқсат береді;

7-12 жаста

Анасы туралы: Үй жұмысын жасауымды талап етеді, телефонымды бір қарап шығады, компьютердің құпиясөзін өзгертіп тастайды, баяғы сорпасын тауысып ішуімді талап етеді;

Әкесі туралы: Менің планшетімді алып қоя береді, күлдіргі әңгіме айтады, кешкі тамақ дайын болмаса ашуланады, бес алсам тиын беріп тұрады;

14-17 жаста

Анасы туралы: Ол мені мүлде түсінбейді, мен бала емеспін ғой;

Әкесі туралы: Ол мені мүлде түсінбейді, мен бала емеспін ғой;

18-25 жаста

Анасы туралы: Ақшаны көбірек салып жіберсе болар еді ғой, сағат сайын телефон шала береді, баяғы сорпаны әлі ішкізеді;

Әкесі туралы: Көлік әперсе болар еді ғой, ақшасы жоқ емес қой, әзілдері дым күлкілі емес;

25-35 жас

Анасы туралы: Мен үшін қам жейді, неге әйелім анам сияқты сорпа жасай алмайды, айлығым түскенше пайдалана тұру керек еді;

Әкесі туралы: Айлығым түскенше пайдалана тұру керек еді, менің бастығымды жек көреді;

35-40 жаста

Анасы туралы: Қанша ауырса да білдірмейді, балаларды демалыста апарып тастау керек, баяғы маған айтатын әнімен немерелерін ұйықтатады;

Әкесі туралы: Немерелерінің планшетін алып қояды, бізді күлдіреді, немерелерін құшақтап сүйе береді;

40 жаста

Анасы туралы: Ұзақ өмір сүрсе екен!

Әкесі туралы: Ұзақ өмір сүрсе екен!