Бүгін Астана үшін тарихи күн – Жақсыбеков
![Бүгін Астана үшін тарихи күн – Жақсыбеков](/userdata/news/news_32961/image_l.jpg)
Фото:
tn.kz
Әділбек Жақсыбеков бүгін Астана үшін тарихи күн екенін айтты, - деп хабарлайды Tengrinews.kz тілшісі. Айта кетейік, бүгін, 30 қыркүйекте "Астана" футбол клубы Қазақстан тарихында алғаш рет Чемпиондар лигасы аясында өз алаңында матч өткізеді.
Астана әкімі жанкүйерлерді сүйікті командамызды қолдауға шықырды. "Бұл кездесу қандай нәтижемен аяқталса да, біз жеңіске жетеміз. Себебі, қазақстандық футбол клубы өз алаңында алғаш рет Чемпиондар лигасы аясында матч өткізгелі отыр", - деді әкім.
Еске сала кетейік, бүгін бүгін "Астана Арена" стадионында "Астана" мен "Галатасарай" кездеседі. Матч Астана уақыты бойынша сағат 22.00-де басталады. Букмекерлердің пікірінше, ойын тең 1:1 есебімен аяқталады.