Синоптиктер Жаңа жылда Қазақстанда ауа райының қандай болатынын айтып берді.
Болжамға сәйкес, алдағы үш күнде Қазақстанның басым бөлігінде жел тұрып, қар жауады. "Өтіп бара жатқан жылдың соңғы күндеріндегі жылы ауа райы өзгереді. Циклондардың өтуімен желдің жылдамдығы секундына 15-25 метрге дейін жетеді, ал 29 желтоқсанда бірқатар облыста мұзтайғақ күтіледі. Алайда батыс желі солтүстік шығыс желімен ауысады".
Синоптиктердің мәліметінше, Жаңа жыл мерекесінің қарсаңында Таймырдан суық ауа республиканың солтүстігіндегі облыстарға келе бастайды. "Температура түсіп, осы кезеңге қалыпты саналатын көрсеткішке жетеді. Республиканың оңтүстік бөлігіне осы күндері Ираннан жылы ауа келіп, Жаңа жыл қарсаңында 4-10 градусқа дейін нормадан жоғары, жылы болады", − деп хабарлады мамандар.
Дереккөз: tengrinews