Ынтымағымыз берік болсын!
![Ынтымағымыз берік болсын!](/userdata/blogs/blogs_26301/image_l.jpg)
блог
Кеңес үкіметінің саяси қуғын-сүргіні кезінде, соғыс жылдары күштеп қоныс аударылған 1 200 000 мыңға жуық өзге ұлт өкілдері Қазақстан өлкесінен өз орындарын тапты. Қазақ халқы қиын-қыстау заманда оларға пана болып, өз қонақжайлығын танытты. Сол уақытта қалыптасқан ұлтаралық татулық әлі күнге дейін жалғасып келеді.
Бүгінде Қазақстан Республикасы - 130-дан астам халықтың Отаны. 1995 жылы 18 қазанда тұңғыш президентіміз Н.Ә.Назарбаев "1- мамыр - Қазақстан халқы достығы және ынтымағы күні" деп жариялады. Жыл сайын осы мереке кең көлемде тойланады. Ал, "Қазақстан Халқы Ассамблеясы" негізінде барлық ұлттар мен этностардың бірлігі мен құқығы сақтала отырып, олардың мәдениеті мен дәстүрінің дамуына жағдай жасалуда.
Халқымыздың ынтымағы мен ұлттар арасындағы өзара түсіністік одан әрі күшейіп, еліміздің іргетасы берік болсын дей келе, баршаңызды ынтымақ күнімен шын жүректен құттықтаймын! Отбасыларыңызға амандық, дендеріңізге саулық тілеймін. Ең бастысы, тәуелсіздігіміз мәңгі жасай берсін, еліміз аман, жұртымыз тыныш болсын!