Отырар ауданының әкімі өңір журналистерін төл мерекемен құттықтады
![Отырар ауданының әкімі өңір журналистерін төл мерекемен құттықтады](/userdata/blogs/blogs_24822/image_l.jpg)
блог
Отырар ауданының әкімі Айтаханов Ерлан Қуанышұлы Түркістан облысы өңірінде еңбек етіп жатқан бұқаралық ақпарат құралдары өкілдерін қабылдап, кәсіби мерекемен құттықтады.
Халықтың тіршілігінен, әлеуметтік әл-ауқаты мен руханияты және қоғам тынысынан хабар таратып, халық пен билік арасында алтын көпірге айналған қалам иелерімен кездесуде аудан басшысы: "Журналистер - қоғамның қозғаушы күші. Нағыз қаламгер сын жазса да тек шындықты жазу керек. Кемшілікті түзеуге ықпал еткен сын ғана екі жаққа да пайдалы болмақ. Сондықтан Сіздердің төл мерекелеріңізде шығармашылық шабыт, шаңырақтарыңызға шаттық, журналистік қызметтеріңізде сәттілік тілеймін!»,-деп, өз лебізін білдіріп, журналистермен ой-пікір алмасты.
Сонымен қатар аудан әкімі қоғамдық ойды қалыптастыруда жағымды жаңалықтардың жаршысы болуға өзіндік үлесін қосып жүрген бір топ журналистерді арнайы алғыс хатпен марапаттап, арнайы сыйлықтар табыстады.
Мерекелік шара - 84 жылдық тарихы бар аудандық «Отырар алқабы» газеті редакциясының жаңартылған ғимаратымен таныстыруға ұласты. Редакция ұжымына сәттілік тілеген аудан басшысы жаңа ғимаратқа сый-сияпатын табыстап, сәттілік тіледі.
28 маусым- Байланыс және ақпарат қызметкерлері күніне арналған жиын Арыс өзені жағасындағы «Саяжай» демалыс орнында мерекелік дастарханға жалғасты.
Отырар ауданы әкімінің баспасөз қызметі