СТУДЕНТТЕР ҮЙІНЕ САЯХАТ
![СТУДЕНТТЕР ҮЙІНЕ САЯХАТ](/userdata/blogs/blogs_31065/image_l.jpg)
блог
ҚазҰУ – бұл студенттер қаласы. Мұнда республикамыздың барлық ауданынан келген жастар білім алады. ҚазҰУ қалашығында барлық талаптарға сай келетін 14 студенттер үйі және 1 жас ғалымдар үйі бар, онда 6 мыңнан астам студент жастар орналасқан. Сіздерді әрбір студенттер үйінде жылы атмосфера мен жылы қоныс күтеді.
Жатақханаларда тұратын студенттердің барлық шоғырлы мәселелерінің шешімін табу мақсатында арнайы студенттік өзіндік басқарудағы – Жоғары студенттік жатақхана кеңесі атты ұйым жұмыс атқарады. Ол студенттерді жатақханаға орналастырумен және іс-шараларды ұйымдастырумен айналысады.
ҚазҰУ-дың студенттік үйлерінде және студенттік кампустарында сымсыз WI-FI ғаламтор желісіне қолжетімділік бар. Университет қалашығы аумағында білім алу мен демалысты ұйымдастыруға мүмкіндік беретін толық кешен жұмыс істейді: дене шынықтыру залдары, спорттық алаң және секциялары бар спорт кешен, барлық білім беру, әлеуметтік-тұрмыстық, медициналық, сауда-көңіл-көтеру қызметтерін ұсынатын «Керемет» студенттерге қызмет көрсету орталығы, білім алушыларды қажетті оқу әдебиеттерімен қамтамасыз ететін оқу залдарының желісі бар бай кітапхана, 300 орындық ғаламтор-кафе, өзіндік жеке кинотеатр.
ҚазҰУ студенттер үйі студенттер тұруына қажетті барлық қолайлығымен, қауіпсіздігімен ерекшеленеді. Жатақханаларда тұруға, оқуға және демалуға барлық жағдай жасалған. Жатақханаларда демалыс пен сабақ қарауға жағдай жасауға көп көңіл бөлінеді. Жатақханаларда оқу үшін арнайы оқу залдары мен компьютерлік сыныптар жасақталған. Әртүрлі іс-шараларды өткізуге арналған Мәжіліс залы бар. Жатақханаларда азық-түлік дүкендері, асхана, бірнеше дәмханалар, телефон шоттарын толтыру терминалдары, көшірме орталықтары бар. Жатақхана ғимаратының алды спорттық және көңіл-көтеру алаңдарымен, футбол алаңдарымен жабдықталған.
Студенттік үйлер бақылау камераларымен жарақтандырылған. Бейне бақылау әрбір қабатта жүргізіледі және күзет қызметімен бақыланады. Жатақханада тұратындар электронды рұқсат арқылы кіреді. Студенттік үйлер аумағында сағат түнгі 23.00-ден таңғы 6.00-ге дейін Қауіпсіздікпен қамтамасыз ету қызметінің мамандары кезекшілік етеді.
Менің 2-курс «Деректер турады ғылым» мамандығының студенттері де 8- жатақханада тұрады. Оларға өзерінің уйлері өте қатты ұнайды. Студенттер уйінде өткізген уақытымыз өте қызықты өтті.