Қызылорда ОПД ЕҚҚІҚБ тарапынан жарияланған байқауға
![Қызылорда ОПД ЕҚҚІҚБ тарапынан жарияланған байқауға](/userdata/blogs/blogs_26546/image_l.jpg)
блог
Есірткісіз өмір ғажайып!
Есірткі...Қаншама жасөспірімнің ғажайып өмірін жаман арнаға өзгерткен, адамның сана-сезімін улаған зат. Есірткіні бір рет қолданған адам оған тәуелді болып қалады. Бұл әуестікті бастау оңай болғанымен, келешекте одан айырылу қиын болады. Бұны бастаған әрбір адамның өмірі қараңғы.
Есірткі - (грек тілінен аударғанда естен айырылу) біздің заманымыздың ғаламдық мәселелерінің бірі. Олар қандай адамды,кімді маңызды емес: жас немесе кәрі, кедей немесе бай ... адамдардың өмірді бұзып ой санасын улап,қол жұмсауға дейін апарады. Адамдар неге есірткіні қолдануға кірісетінін айту қиын. Негізгі себептердің бірі, шындықтан құтылу әрекеті болуы мүмкін. Олар өздерін сезініп, басқаша әрекет етуді қалайды.
Қазіргі өсіп келе жатқан жастарға ата-ана тарапынан керек болатын назар жетіспейді. Соның салдарынан біздің өскелен ұрпақтарымыз жаман топтарға түсіп, есірткі құрбаны болады. Есірткінің құрбаны болған адамды ғажайып өмірге қайта әкелу қиынның қиыны болады. Нашақорлықтың адам өміріне зиянын тигізбесе, әкелетін пайдасы жоқ. Тигізетін зиянына мысал келтіретін болсам, біріншіден есірткі адам денсаулығын нашарлатады. Тіпті адамның түр-әлпетінен оның есірткі қолданатынын байқауға болады. Адамның нашақор екенін анықтайтын факторлар жоқ. Нашақорлықты емдеудің әртүрлі тәсілдері бар, бірақ олардың ең жақсысы есірткіні қолдануды болдырмау болып табылады. Бірақ барлығы делік есірткінің зиянын, оған үйір болып қалатынын білмей осы жолға түседі. Ең жаманы осы!Мұның бір жолы - мектептерді, отбасыларды және бұқаралық ақпарат құралдарын қамтитын түрлі алдын алу бағдарламаларын жүзеге асыру. Бірақ, ең бастысы, есірткіні қолдану салдарын білу.Есірткі заттарды қолдану тарихы б.з.б 5мың жыл бұрын шумерлердің өркениетінен шыққан. Сол кездегі қазба жұмыстары барысында алғашқы есірткілерді дайындау және қолдануға қатысты алғашқы жазбаша анықтамалар табылды және оны қазақшаға аударғанда «қуаныш» дегенді білдіреді.Алғашқы есірткіге тәуелділік XIX басында белгілі бір есірткілер алғаш рет Еуропаға жеткізілген кезде пайда болған. Бұл заттар алдымен ауырсынуды басуға қолданылды. Бірақ 20-шы ғасырдың басында бұл заттарға тәуелділік қоғамның белгілі бір жерлерінде проблемаға айналды. Ал қазір бұл тәуелділікті әлемнің түкпір-түкпірінде ереулі проблемалардың біріне жатқызады.Соның бір құрбаны-Қазақстан. Қазақстандықтар үшін бұл үлкен дауға айналды. Көрсеткіштерге сүйенсек бізде, яғни Қазақстан елінде 54 мыңға жуық нашақор тiркеуде тұр. Бұл бiрнеше рет көзге түсiп тiркелгендерi. Тiркелмегендерiнiң қанша екенi әзiрге белгiсiз. Республикамызда нашақорларды емдейтiн 9 орын бар. Мамандар нашақорлыққа бас ұрған адамдарға арнайы тексеру жұмыстарын жүргiзген. Нәтижесiнде нашақорлардың 60 пайызы 30 жасқа дейiнгi жастар мен әйел адамдар екенi анықталып отыр. Есiрткi таратуға қарсы қылмыстық жаза күшейтiлдi. Үкiмет тарапынан қомақты қаржы да бөлiнуде. Бiрақ, нашақорлардың саны азаяр емес.Есірткіге оңайша берілмес үшін салауатты өмір салтын ұстану керек. Салауатты өмір сүру дегеніміз - тазалық сақтап, дене тәрбиесі және спортпен шұғылдану. Қазіргі уақытты өткен кезеңмен салыстыра алмайсың. Себебі, уақыт өте көптеген өзгерістер өмірге енді. Тіпті, адам тәрбиесінеде жаңаша көз қараспен қараймыз. Қазіргі таңдағы қоғамдағы жат қылықтар жастарға кері әсерін тигізуде. Жастар арасындағы темекі,ішімдікке еліктеушілік, нашақұмарлық дендеп бара жатқандай. Қызығушылықпен істеген әрекеттің соңы немен тынарын да түсінбей істеп, опық жеуі мүмкін. Демек, қазақ халқы «тәрбие басы - тал бесік»,- деп бекер айтпаса керек. Жат қылықтарға қарсы тәрбиені отбасы ошақ қасынан бастаған жөн.
Салауатты өмір салтын қалыптаструда дене тәрбиесінің маңызы зор. Жастарды болашақтың тірегі болатын, денсаулығы мықты азамат ретінде қалыптастыру керек. Елбасымыз қазіргі жастардың болашағына зор сеніммен қарап, үміт артады. Яғни, дені сау, білімді, білікті, жан-жақты қалыптасқан болашақ жастарды елестетеді. Денсаулық сақтау мәселесі – Елбасы жолдауында ерекше атап көрсетілген бағыттардың бірі.
Қызылорда облысы, Қармақшы ауданы,
Байқоңыр қаласы №273 орта мектебі
9 «А» сынып оқушысы Залиева Нұрай