Жасанды Интеллект және Big Data кафедрасы QS Worldwide 2019 ж. конференциясында
![Жасанды Интеллект және Big Data кафедрасы QS Worldwide 2019 ж. конференциясында](/userdata/blogs/blogs_25807/image_l.jpeg)
блог
Ақпараттық технология факультетінің жасанды интеллект және Big Data кафедра қызметкерлерінің QS Worldwide 2019 ж. 19 қыркүйектегі форумына қатысқаны жөніндегі есеп.
QS Open Clinic «Университеттер және тұрақты даму: кіріспеден іске асыруға дейін» секциясында модератор Властемил Самек, ал Корея Республикасының Жасанды интеллект және машиналық оқыту зертханасының директоры, KAIST, профессор Йу Чанг Донг сөз сөйледі. Korea Advanced Institute Technology - Оңтүстік Кореяның жетекші академиялық және зерттеу университеті. 2019 жылы KAIST әлемдегі жетекші университеттер рейтингісінде (QS World University Rankings) 40 орынға ие болды. Электротехника факультеті жасанды интеллект саласында зерттеулер жүргізуде. Ғылыми қызығушылықтар саласында проф. Yoo Chang Dong сұрақ-жауап видео жүйелерін, кескінді сегментациялауды, нысандарды автоматты түрде анықтау және тануды, қоршаған ортаның дыбыстарын тануды, медицина саласындағы жасанды интеллектті, жасанды интеллекттегі әділеттілікті қамтиды. Таныстырылымнан кейін кафедра оқытушылары профессормен потенциалды өзара әрекеттесу мәселелерін талқылауға мүмкіндік алды. KAIST университетінде магистранттардың жазғы тәжірибеден өтуі және докторлық диссертацияларды басқару мәселелері талқыланды. Пікірталасқа Компьютерлік инженерия мамандығының ғылыми-зерттеу институтында мәтінді өңдеудің интеллектуалды құралдарын құру тақырыбы бойынша гранттық қаржыландыру жобасында жұмыс істейтін, бірінші курс магистранты қатысты. Профессор өзінің жасанды интеллект және үлкен деректерді өңдеу саласындағы қашықтықтан оқыту курстарына сілтемелер беріп, электронды мекен-жайын қалдырды. Профессор KAIST университетінде тәжірибеден өту мүмкіндігі бар қашықтықтан оқытуды ұсынды.
Сонымен қатар кафедра оқытушылары университеттің 3 сыртқы байланыстары - маркетинг, брендинг және медиа-қатынастармен танысты. Жапонияның Окаяма университетінің профессоры Донг Кванг Кимнің «Ұйымдастырушылық өзгеріс - жаһандық білім беру үшін жақсы ма немесе қарапайым нәрсе ме?» тақырыбындағы баяндамасы ерекше қызығушылық тудырды. Ол Окаяма университетінің халықаралық қатынастар және жаһандық білім туралы көзқарастарымен бөлісті. Қазіргі уақытта университеттер алдында екі тандау тұр: аймақтық оқу орны болып қалу немесе зерттеу университеті мәртебесіне ұмтылу. Профессор студенттердің халықаралық академиялық ұтқырлығы мен халықаралық қатынастар процесінің орталықсыздандыру сызбасын ұсынды. Жасанды интеллект және БД кафедрасы басшысының орынбасары Сақыпбекова М.Ж. кафедра мен факультет деңгейінде осы жұмысты ұйымдастыру бойынша сұрақтар қойды. Кездесуден кейін факультет оқытушылары білім беруді интернационалдандыру мәселелерін талқылауды жалғастырды. Профессор одан әрі өзара әрекеттесу үшін байланыстарын ұсынды.
Кафедра меңгерушісінің міндетін атқарушы Мансурова М.Е.