Жаңаөзенде бокстан халықаралық турнир өтті
![Жаңаөзенде бокстан халықаралық турнир өтті](/userdata/blogs/blogs_32502/image_l.jpg)
блог
2024 жылдың 8-12 маусым аралығында Жаңаөзен қаласы Рахмет Өтесінов атындағы дене шынықтыру сауықтыру кешенінде бокстан спорт ардагері, жаттықтырушы Ақылбек Теміровты еске алуға арналған халықаралық турнир өтті.
Дүбірлі додаға Ресей, Әзербайжан, Қырғызстан, Тәжікстан, Өзбекстан мемлекеттері мен еліміздің барлық өңірінен 300-ге жуық спортшы қатысты. Олар бес күн бойы өзара мықтыны анықтады.
Жарыстың ашылу салтанатына құрметті қонақ ретінде Олимпиада ойындарынын екі дүркін күміс жүлдегері Әділбек Ниязымбетов, Әлем чемпионы Ердос Жанабергенов, Әлем чемпионы Бекзат Нұрдәулетов, Азия ойындарынын күміс жүлдегері, Халықаралық спорт шебері Ерік Әлжанов, Олимпиада ойындарынын қатысушысы, Қарулы күштер арасындағы Әлем чемпионы Берік Әбдрахманов, Олимпиада ойындарының екі дүркін күміс жүлдегері Болат Жұмаділов, Маңғыстау облысынын бокс федерациясының өкілдері мен Жаңаөзен қаласының әкімі Жансейіт Қайнарбаев қатысты.
Жарыста 2010-2011 жылдары туған жастар 17 салмақ дәрежесінде жүлделерді сарапқа салды. Жарыс жеңімпазы атанған спортшыға арнайы белбеу тағылды.
Ауқымды турнирды ұйымдастыруға «Халық» қайырымдылық қоры мен «Бірлік» қоғамдық бірлестігі демеушілік етті.
Айта кетейік, «Халық» қайырымдылық қоры бұған дейін Маңғыстау облысында спорт инфрақұрылымын дамытуға үлес қосқан болатын. Сондай-ақ, осы қордың демеушілігімен 2025 жылға дейін Жаңаөзен қаласында үлкен спорттық дене шынықтыру-сауықтыру кешені салыну жоспарланып отыр. Аталмыш қор есебінен салынбақшы кешенге 1 млрд теңге қаржы бөлінген.