Бір-бірімен тілдескен контроллер жүректері
![Бір-бірімен тілдескен контроллер жүректері](/userdata/blogs/blogs_27131/image_l.jpeg)
блог
Әл-Фараби атындағы ҚазҰУ Ақпараттық технологиялар факультетінің «Жасанды интеллект және Big Data» кафедрасының 2-курс магистранттары кафедра лабораториясында 14 күндік ғылыми-зерттеу тәжірибесінен өткен болатын. Осы орайда кафедра лабораториясын студенттерге қажетті жабдықтарға толтырып, білікті маман болуға деген құлшыныстарын арттырып, тәжірибе барысында жетекшілік жасап жүрген кафедра меңгерушісі Мадина Есімханқызы мен меңгерушінің ғылыми-инновациялық мәселелері жөніндегі орынбасары Меруерт Жұмабекқызының қосқан үлестері үлкен.
«Бизнес талдау және Big Data » мамандығының 2-курс магистранттары Туганбай Айгерім,Тоқтасын Аяулым, Тұрғынбек Саят тәжірибе кезінде ESP32 контроллерімен LoRa сигналдар арқылы байланыс орнатып көрді. LoRa-бұл радио толқындарын модуляциялау әдісін қолданатын сымсыз деректерді беру технологиясы. LoRa бүкіл әлемде қол жетімді лицензияланбаған жиіліктерді қолданады. Мұнда жиі қолданылатын жиіліктер:
· Еуропа үшін 868 МГц
· Солтүстік Америка үшін 915 МГц
· Азия үшін 433.
Әдеттегі LoRa желісі 4 бөліктен тұрады: құрылғылар, шлюздер, желілік сервер, қосымшалар.
Тәжірибе жасауға қажетті құрал-жабдықтар:
· ESP 32 LoRa (2 дана)
· USB micro – B Cable (2 дана)
· Ноутбук
Орындалатын қадамдар:
1. https://www.arduino.cc сілтемесі бойынша өтіп, Arduino Genuino платформасын жүктейміз.
2. «Инструменты» → «Плата: “Arduino Uno”» → « Менеджер плат...» нұсқауларын орындағаннан кейін ашылған терезеге «MKR WAN» деп жазып пакеттерді орнатамыз
3. Осыдан кейін, құрал-жабдықтар тақтасынан порттарды тауып, кабельді ESP 32 LoRa-ға жалғаймыз.
4. Жіберуші/қабылдаушыға арналған кодты енгізіп, тексеріске жібереміз.
5. Нәтижені бақылаймыз.
1– сурет. ESP 32 LoRa платформа арқылы байланысының көрінісі
2– сурет. LoRa желісі арқылы байланыстын көрінісі
Жұмыс нәтижесінде 2 контроллер арасында желі арқылы байланыс орнайды. Жіберушіден қабылдаушыға хабарлама кетіп отырады.Бұл жүйенің артықшылығы - өте алыс арақашықтыққа дейін байланыс ала алуында. Осылайша, автоматтандыру құрылғыларының жүрегі саналатын контроллерлер бір-бірімен тілдесті. Алдағы уақытта бұдан да күрделі тәжірибелер жүргізілетін болады.