2022 жылғы 20 қарашада өтетін Қазақстан Президентінің кезектен тыс сайлауына қатысатын ҚР Президенттігіне үміткерлерге «Елорда тынысы» ЖШС-нің «Жұлдыз FM» және «Ретро FM Qazaqstan» радиостанцияларында эфир уақытын ұсынудың жалпы шарттары
«Қазақстан Республикасындағы сайлау туралы» Қазақстан Республикасының 28.09.1995 жылғы Конституциялық Заңына сәйкес, «Қазақстан Республикасы Президентінің кезектен тыс сайлауын тағайындау туралы» Қазақстан Республикасы Президенті 2022 жылғы 21 қыркүйектегі №1019 Жарлығы негізінде, «Жұлдыз FM» және «Ретро FM Qazaqstan» радиоларының (бұдан әрі – Радио) иесі - «Елорда тынысы» ЖШС-нің 2022 жылдың «20» қарашасына белгіленген кезектен тыс сайлауда ҚР Президенттігіне тіркелген кандидаттарға (бұдан әрі – Кандидат) төлем мөлшері туралы, сайлауалды үгіт материалдарын (бұдан әрі – үгіт материалдары) орналастыру үшін радио эфир уақытын берудің шарттары мен тәртібі туралы ақпарат береді.
ҚР Президенттігіне кандидаттардың сайлау алдындағы үгіт-насихаты 2022 жылғы 21 қазанда сағат 18:00-ден 2022 жылғы 18 қарашада сағат 00.00-ге дейін жалғасады, осылайша, үгіт-насихат материалдарын Радиода орналастыру көрсетілген кезеңде жүзеге асырылады.
Радио эфир уақытын Радионың меншік иесі мен Үміткер арасында немесе кандидаттың уәкілетті өкілімен жасалған жазбаша келісім негізінде және Радио бекіткен монтаж тізімдеріне (медиа жоспарларына) сәйкес береді. Бұл ретте, монтаж тізімдері жазбаша өтініш берген кезде Радионың техникалық мүмкіндіктеріне сәйкес, яғни, ұсынылған радиоуақыт аралығында жарнаманың болуы және/немесе болмауына байланысты үгіт-насихат материалдарын эфирге жоспарланған уақыттан 2 (екі) жұмыс күні бұрын әзірленеді.
Радиода эфир уақытын беру мемлекеттік және орыс тілдерінде ұзақтығы 60 (алпыс) секундтан аспайтын аудио роликтерді орналастыру арқылы жүзеге асырылады.
Эфир уақытын беру туралы шарт жасасуға үміткердің немесе оның уәкілетті өкілінің Радио иесі басшысының атына жазбаша өтініші негіз болып табылады.
Үгіт материалдарын эфирге орналастырудың саны, мерзімі, болжамды күні мен уақыты кандидаттың немесе оның уәкілетті өкілінің жазбаша өтінішінде көрсетіледі, олар кейіннен шартта белгіленеді.
Өтініш Кандидаттардың өтініштерін тіркеу журналында кезек тәртібімен, әрбір жазбаша өтінішке реттік нөмір мен өтініштің келіп түскен күнін беру арқылы тіркеледі.
Жазбаша өтінішке мынадай құжаттар қоса берілуге тиіс:
1) Кандидаттың тіркелгенін растайтын құжаттың көшірмесі;
2) Кандидат өкілінің өкілеттігін растайтын құжаттың көшірмесі;
3) Өтініш берушінің жеке куәлігінің көшірмесі;
4) шарт жасасу үшін тұлғаның өкілеттігін растайтын құжаттар.
Кандидаттардың үгіт материалдарын Радиода орналастыру тәртібі жазбаша өтініштерді қабылдау немесе өтініштер бір мезгілде түскен жағдайда жеребе бойынша қабылдау арқылы белгіленеді. Жеребе өткізу тәртібі мен шарттарын Радио анықтайды.
Егер жазбаша өтініш түскен кезде сұралған уақыт бұрын өтініш берген басқа үміткерге берілсе немесе техникалық мүмкіндіктерге байланысты берілмесе, радио кандидатқа техникалық мүмкіндіктерді ескере отырып, үгіт материалдарын орналастыру үшін басқа уақытты ұсынады.
Үгіт материалдары радиоға жоспарланған эфирден 2 (екі) жұмыс күні бұрын алынбалы HD (хард диск), CD (компакт-дискі) немесе флэш-картада, mp3 немесе wav форматтарында берілуі керек.
Үгіт материалдарында олардың төлемі, қаржыландыру көздері, ақпаратты берген тұлғаның аты-жөні туралы дәйекті мәліметтер болуы тиіс.
Үгіт материалдарын ұсынған кандидаттар олардың мазмұнының Қазақстан Республикасы заңнамасының талаптарына сәйкестігіне өздері жауапты болады.
Осы ақпараттық хабарламада көрсетілген шарттар мен тәртіптер бұзылған жағдайда, сондай-ақ, тиісті келісімнің талаптары бұзылған жағдайда үгіт материалдары эфирге шығарылмайды немесе бұзушылық жойылғанға дейін тоқтатылады.
Радио иесі үгіт материалдарында конституция құрылысын күштеп өзгерту, республиканың тұтастығын бұзу, мемлекеттің қауіпсіздігіне нұқсан келтіру, әлеуметтік, нәсілдік, ұлттық, діни, таптық және рулық өшпенділік, қатыгездік пен зорлық-зомбылыққа жол беру, заңда көзделмеген әскери құрылымдар құру, сондай-ақ, Қазақстан Республикасы Президенттігіне үміткер басқа кандидаттардың ар-намысына, қадір-қасиетіне немесе іскерлік беделіне нұқсан келтіруі мүмкін мәліметтер болса, үгіт материалдарын орналастырудан бас тартуға құқылы. Үміткер Радио иесінің талабы бойынша жоғарыда сипатталған материалдарда қамтылған ақпаратты растайтын құжаттарды ұсынуға міндетті.
Осы ақпараттық хабарламада көрсетілген эфир уақытын берудің шарттары мен тәртібі Қазақстан Республикасының уәкілетті органдарының талаптарына сәйкес түзетілуі мүмкін.
Үгіт материалдарын орналастыру құны:
Радиода үгіт материалдарын орналастырғаны үшін жасалған шарт бойынша ақы төлеу шот ұсынылған күннен бастап 5 (бес) жұмыс күні ішінде Радиолардың меншік иесі берген төлем шотының негізінде жүзеге асырылады.
Қазақстан Республикасы Президенттігіне кандидаттардың үгіт материалдарын радиода орналастыру үшін жазбаша өтініштерді Радиолардың меншік иесі тіркелген кандидаттардан 2022 жылғы 18 қазаннан бастап 2022 жылғы 15 қарашаны қоса алғанда, демалыс және мереке күндерін қоспағанда, Алматы қаласы, Карасай батыр көшесі, 88-үй (екінші қабат) мекенжайы бойынша қабылдайды. Өтініштер күн сайын, жұмыс күндері 10 сағат 00 минуттан 18 сағат 00 минутқа дейін қабылданады.
Факспен және Интернет байланысы арқылы жазбаша өтініштер қабылданбайды.
Барлық материалдар «Үгіт материалы» белгісімен сүйемелденеді.
«Елорда тынысы» ЖШС
Директоры
________________________ Г.Б. Талдыбаева