Ол үшін ҰБТ уақыты кезінде мына сайтқа кіріп https://ent-zan.kaznu.kz/, серверге қосылу қажет. Алайда ҰБТ-ны онлайн режимде бақылау үшін Internet Explorer 7 браузері қажет болады, себебі, басқа браузерлер арқылы көрінбеуі мүмкін. Осы секілді нұсқаулардың толық тізімін мына жерден көре аласыздар.
Айта кетсек, бұл жылы ҰБТ 1-15 маусым аралығында арнайы жабдықталған 154 пунктте өтеді.
ҰБТ өткізілетін 107 орын қалалық және аудан орталықтарындағы мектептерде, сондай-ақ 47-сі Алматы, Астана қалалары және облыс орталықтарындағы ЖОО-ларда орналасқан.
Бұдан бұрын хабарлағандай биыл Ұлттық Бірыңғай Тестілеуге қазақстандық түлектердің 80 пайызы қатысуда, яғни 121 мың оқушы.
Сонымен қатар, ҰБТ өткізілетін аудиторияларда ұялы телефон сөндіргіштері де орнатылған.
Сурет: klenlist.kz