Қазақстанның білім беру жүйесін одан әрі жаңғырту мақсатында ағымдағы жылдан бастап, Қазақстанның әрбір оқу орнында Е-learning бағдарламасы енгізілмек.
Е-learning – бұл электронды оқыту форматында білім алуға негізделген жаңа білім жобасы. 2012 жылы осы жүйемен 537 оқу орны білім алатын болса, 2013 жылы e-learning бағдарламасымен еліміздің 926 білім беру ұйымы (орта мектеп, техникалық және кәсіптік колледждер) қамтамасыз етіледі деп күтілуде. Ал 2015 жылдың соңына дейін жалпы 4138 оқу орны электрондық оқыту жүйесіне ауысатын болады.
2012 жылы Е-learning жүйесі енгізіліп отырған білім беру мекемелеріне Wi-Fi желісі орнатылуда, оқытушылар дербес компьютерлік техникамен, интерактивтік жабдықтармен қамтамасыз етілуде.
Е-learning жүйесінде "Қазақстан тарихы" пәні бойынша 5-11 сыныптарға арналған 468 сандық білім ресурсы дайындалған. Сонымен қатар, биыл мектептің 6 пәні мен колледжде оқытылатын 8 мамандықтың 38 пәні бойынша 7043 электронды ресурс әзірленеді. Химия, математика, физика, қазақ тілі пәндері бойынша жасалған бұл электрондық ресурстар жаңа оқу жылында қолданысқа енгізіледі.
Ақпарат көзі: pm.kz
Дайындаған: Ғани Тұрғынбеков
Сурет: pm.kz