«Қазіргі қазақ тілінің функционалды грамматикасы» атты оқу құралы тұңғыш рет «Қазақ университеті» баспасынан жарық көрді. Дәстүрлі грамматика белгілі қалыптасқан грамматикалық жүйенің негізі бола отырып оның болашақтағы дамуының жаңа сатыларын, негіздерін үйретеді. Функционалды грамматика тілдің дәстүрлі жүйесі, құрылымдық сипаты тағы қандай функцияны атқарады немесе атқарып тұр деген мәселені тануға, соны оқып-үйренуге баулиды.
Функционалды грамматика - филологиялық білім беру жүйесінде болашақ тіл мамандарын даярлайтын факультеттердің бәрінде оқытылатын негізгі іргелі пәндердің бірі болып саналады.
Бұл пән студенттер мен осы сала мамандарының жүйелі, нақты білім алуына функционалды грамматиканың нақты нені зерттейтінін айқындауға, оның көп ауқымды сала екенін толық тануға, әрі сөйлеу қызметіндегі көп түрлі жүйелік қызмет атқаратын сипатын тануға үйретеді. Қазақ тілінде дәстүрлі, құрылымдық грамматика туралы оқулық, оқу құралдары өте көп жазылды. Бірақ функционалды грамматика туралы әлі оқу құралдары, оқулық белгілі ғылыми жүйеге түсіп жазылған жоқ еді.
Жолдаған: Д.А. Әлкебаева
әл-Фараби ат. ҚазҰУ-дың пр.,ф.ғ.д.