Cонау 75 жылдардың ширегінде Вейн мырза бір сағатта ұйықтап тұру жүйесін ойлап тапқан болатын. Ол Мәскеудегі түс жору кафедрасында түс жайлы зерттеулер жасаған. Ең негізгі сыналушысы - ұлы болған. Аталған жүйеге келетін болсақ, жаман емес, тек біршама кемшіліктері бар. Біріншіден, бір сағаттың ішінде ұйықтап тұруы үшін адам рационалды түрде барлық мүмкіндікті пайдалануы тиіс. Бұл дегеніміз, өзі жақсы ұйықтайтын уақыттарда ғана ұйықтау керек деген сөз. Ал ол уақыттар әр адамда әртүрлі. Міне, сол кезеңдерді білгенде ғана адам бір сағатта толыққанды ұйықтап тұра алады.
Екінші мәселе, адамның істейтін ісі мен жұмысы болмай, күн бойына ерігіп отырса, кешкісін 2-3 сағаттан артық ұйықтай алмайды. Сондықтан кешкі уақытта ұйықтардан бұрын адам өзіне бір жұмыс тауып алуы тиіс. Әйтпесе, түн бойына азаптанып шығуы мүмкін. Ол үшін тәулік бойына 24 сағаттың 20 сағатын белгілі бір іске жұмылдыруы тиіс. Тек, компьютер алдында 12 сағаттан артық отыруға болмайды.
Сіз екі күн ішінде-ақ өмір бойына оқымаған дүниелерді оқып тастай аласыз. Бірақ, қазіргі таңда жұмыс пен басқа да тірліктерді ескере отырып, ешкім де кітап оқуға қызығушылық танытпайды. Статистика бойынша, адам баласына күніне 4 сағат ұйқы да жетеді. Ал егер сіз бір сағат ішінде ұйықтап тұра алатын болсаңыз, онда өмір бойы істемеген істеріңізді бірер күннің ішінде тәмәмдап отырар едіңіз...
Ал, ендеше, бір сағат ішінде қалай ұйықтап тұруға болады? Ең бастысы, өзіңіз ең жақсы ұйықтаймын-ау дейтін уақытты белгілеңіз. Ол үшін бос күндеріңізді пайдаланып, бірнеше күн қатарынан ұйықтаңыз. Өзіңізге физикалық тұрғыдан болсын, басқа да жағынан еш қиындық түсірмеңіз. Егер сіз көптеген адамдар секілді 7-11-лердің арасында төсектен тұратын болсаңыз, онда экспериментті түн ішінде бастаңыз. Сағат 12-лерден асқан соң, бар күш пен әлден айырылып шаршаған кезде ғана күнделігіңізге " ұйқының шабуылы" деп жазып қойыңыз.
Бірнеше күннен соң, қай күнгі "шабуылдар" ұқсастығын салыстырыңыз. Соның нәтижесінде ұйқының ең терең саналатын фазасын тауып ала аласыз. Егер әлгі ұқсастықтар табылып жатса, жолыңыздың болғаны. Барлығы өзіңіздің ынта-жігеріңізге байланысты: қай уақыт бір сағатта ұйықтап тұру үшін ең қолайлы?
Терең болып саналатын фазаның екі уақыты бар: күндіз бен түн. Түнгі фаза сағат 1-ден таңғы 6-ға дейін жалғасады. Бірақ, оның бәрі ұзарған түрі ғана. Ал күндізгі фаза қысқа уақытпен өлшенеді. Сонысына қарамай, өте-мөте қолайлы, сіздің ұзақ ұйықтау уақытыңыз таңғы 5-те басталса, күндіз 11-12-лерде бітеді. Есесіне, түнге қарай бір сағат ұйықтап алып, жұмысыңызбен айналысасыз.
Вейннің зерттеуі бойынша, адам күніне бір сағат ұйықтап тұруды бір уақытта айнытпай қайталайтын болса, күн бойына ұйықтамай жүре беруіне де болады. Адам ол кезде құлтемір (робот) секілді болып кетеді.
Ең бастысы, уақытта дәлдік керек. Қалған уақыттарда демалыңыз: күндізгі 10-нан түнгі 10-ға дейін. Бастапқы кезде ерте ұйқыға жатар болсаңыз, жұмыссыздық жігеріңізді құм қылмауы үшін (іс жоқ) бір ермек тауып алыңыз.
Бір сағат ұйықтап алдыңыз. Бірақ, тағы да ұйықтағыңыз келіп тұр. Онда өзіңізді-өзіңіз сендіріңіз: инерция бойынша жата бергіңіз келіп тұрғанын, шын мәнінде демалып алғаныңызды және ұйқының керек еместігін ойлаңыз.
Аталған жағдай 5 минут бойында басыңыздан өтеді. Егер беріліп, ұйықтап кетпейтін болсаңыз - 8 сағат тыныққандай сезімге бөленесіз.
Осы бір эксперимент жүзеге аспай жатса, қапа болмаңыз. Ертелі-кеш мықты адамдар ойлағандарына жетеді. Бір қызығы, дүниеде 8 сағат ұйқыны аз көретін адамдар да бар болып шықты.
Сурет: gymblog.ru