Ресейлік әуесқой астроном Артем Новичонок пен оның әріптесі беларусьтық Виталий Невский үлкен достық пен тыңғылықты зерттеудің арқасында жаңа құйрықты жұлдызды тауып отыр. Осы онжылдықтың ең жарық жұлдызы осы болуы мүмкін, деп РИА Жаңалықтар орталығы халықаралық астрономиялық ұйымға сілтеме жасайды.
Сонымен, жаңа құйрықты жұлдыз Кисловодск ауданындағы астрономиялық ғылыми мекемеде ұзақ уақыттық зерттеудің арқасында 21 қыркүйек күні ашылды. Одан кейін басқа да ғылыми мекемелермен расталып (Өзбекстандағы "Майданақ" зерттеу орталығы мен АҚШ-тағы "Маунт-Леммон" ғылыми зертханасы), тиісінше баға берілді. Ең бастысы, жаңа құйрықтың жұлдыздың енді "C/2012 S1" деген индексі бар.
Зерттеушілердің растауы мен есептеп отырған болжамы бойынша, жаңа құйрықты жұлдыз 2013 жылы Күнге жақын өтсе, араға азғантай уақыт салып барып, 26 желтоқсан күні Жерге жанай өтетін сыңайлы.
"Егер де құйрықты жұлдыз "C/2010 X1" жұлдызы секілді ұшып келу барысында бұзылып кетпесе, онда біз он жылдықтың ең жарық жұлдызының жарығына куә болмақпыз. Тіпті, "C/2011 L1" (Pan-STARRS) жұлдызының өзі көлеңкеде қалып кетуі әбден мүмкін" -деп "ISON-NM" зертханасының ресми сайтында хабарланыпты.
Қазіргі таңда әңгімеге арқау болып отырған құйрықты жұлдыз Юпитердің арғы бетінде 18 жұлдыздық үлкендікке тиесілі жарықпен ұшып жүрген көрінеді. Бұрындары бір мәрте көрінген (2011 жылдың 28 желтоқсаны мен 2012 жылдың 28 қаңтарында "Маунт-Леммон" зертханасының мамандары байқап қалыпты) құйрықты жұлдыздың үлкен дәлдікпен табылғаны қандай дұрыс болған...
сурет:zurnal24.si
Дайындаған: Фараби Бақыт