Олимпиада, жарыс, мектептерде ешқашан жасөсіпірімдер мен ересектер тобына жіктеген кезде young не old сөздерін қолданбайды. Оның орнына junior (кіші) мен senior (ересек) сөздерін кездестіреміз. Бірақ, бұл сөздердің одан бөлек мағынасы бар.
Junior латын тіліндегі juvenis (жас) деген сөзден шыққан. Жас адамға, соның ішінде ер баланы солай атаған. Дәстүр бойынша, әкесінің атын алған баланың есіміне "Jr." деп тіркестіреді.
Junior сонымен қатар, академиялық деңгейді көрсетеді. Орта білім немесе төрт жылдық жоғары білім алу жүйесінде junior – үшінші курс студенті. Ал 12 жылдық білім жүйесі бойынша 7-9 сынып оқушылары білім алатын мектепті "junior high schools" деп атайды.
Одан бөлек, junior сөзі әскери шені не дәрежесі төмен адамды атағанда қолданылады: "lieutenant junior grade" (кіші лейтенант) немесе "junior account executive" (тұтынушымен жұмыс істеу бөлімінің кіші менеджері). Ал сән саласында junior сөзі арық әрі кішкентай қыздарға арналған киім бөлімі ретінде қолданылады.
Сонымен қатар, junior сөзі сын есім ретінде "younger" (кішірек), "youthful" (жас) дегенді білдіреді. Ал "junior varsity" тіркесі университет не колледждегі спорттық топты білдіреді.
Senior
Senior сөзі латын тіліндегі "үлкен" деген сөзден алынған. Ол ағылшын тілінде жасы үлкен не дәрежесі жоғары деген мағынада қолданады. Егер студенит senior деп аталса, оның түлек екенін білуге болады. Ер адамның атына тіркелген аббревиатура "Sr." оның есімімен бірдей ұлы барын білдіреді.
Сын есім ретінде senior мағынасы "ересек, үлкен, қарт", жасы үлкен адамды атағанда (she is five years my senior) немесе дәрежесі, шені жоғары адамға қатысты қолданылады: senior accountant, senior captain.
Senior сөзінің синонимі ретінде "құрметті" деген сын есімді де алға болады. Мысалы, "senior citizen" тіркесінің мағынасы "құрметті азамат" болмақ.