Қазақ тіліне аударылған кітаптар

Жылдан жылға  қазақ тіліне аударылған әлем әдебиеттерінің саны артып келеді. Бүгін өз уақытында бестселлер атанған әлем классикаларының қазақша аудармаларын ұсынамыз.

Виктор Гюго
Аласталғандар

Роман бас кейіпкерлер қақтығыс, қайырымдылық пен зұлымдық айқасын баяндайды. Бар парызым Құдайды құрмет тұту деп білетін епископ Мириэль, қоғамда тек заңды бәрінен жоғары қоятын инспектор Жавердің ұстанған қағидаттары мен іс-әрекеттері бас кейіпкер Жан Вальжанның тағдыры арқылы сыналады. Атақты романында Гюго тіршіліктің мәні материалдық өмір емес, имандылық екенін алға тартады.

Луиза Мэй Олкотт
Кішкентай ханымдар

Романдағы оқиға XIX ғасырдың аяғында Америкада өтеді. Автор Марч әулетінің төрт қызы — сұлу Маргарет, ер мінезді Джо, мейірімді Бесс және нәзік Эмидің басынан кешкенін баяндайды. Олардың әрқайсысының өз арман-мақсаты мен қалауы бар. Бір үйдің тәрбиесін алса да, мінездері сан алуан. Тағдырлары да бір-біріне ұқсамайды.

Герман Мелвилл
Моби Дик немесе Ақ Кит

Шытырман толы оқиғаға толы роман XIX бас кит аулайтын кеме "Эссекстің" апатынан басталады. Жас моряк Измаил қосымша табыс көзін іздеп, кит аулайтын кеме экипажының мүшесі болып қызметке орналасуға шешім қабылдайды. Оны капитан жайлы жұмбаққа толы қауысеттер де, балгердің қауіпті болжамы да тоқтата алмайды.

Шарлотта Бронте
Джейн Эйр

Оқиға әділетсіздікке қарсы тұрып, өз дегенінен қайтпаған бойжеткен туралы. Роман жазушының туған аймағында үлкен дауға айналған махаббат оқиғасы негізінде жазылған.  

Алекандр Дюма
Үш ноян

Қаламгер бұл тарихи романына XIII Людовик патшалық құрған дәуір оқиғаларын арқау еткен. Шығармада Парижге гвардия нояны атану үшін үй-жайын тастап шыққан гаскондық д’Артаньян мен оның үш досы Атос, Портос және Арамистің басынан кешкен қызықты оқиғалары баяндалады.

Стивен Кинг
Жасыл миль

Өлім жазасына кесілгендерді жазалауға арналған Олд Спарки электр орындығына апаратын дәлізді тұтқындар "Жасыл миль" атап кеткен. Кейде темір тордың арғы жағындағы қылмыскердің адамгершілігі бостандықтағы кей адамнан артық болуы мүмкін. "Е" блогындағы тұтқындар үшін ажал өмірдегі барлық қайғы-қасіреттен арылудың жалғыз жолы болып қалады. 

Халед Хоссейн
Батпырауық қуған бала

Романның негізі — Әмір мен Хасеннің тағдыры. Батпырауық қуып жарысқан Әмір мен Хасеннің тағдыры да жел ұшырған батпырауықтай заманның ағынымен түрлі бағытта өрбиді. Романда тек осы екеуінің ғана емес, пуштун мен хазардың, үстем тап пен қарапйым халықтың және саяси-әскери төңкерістерді бастан кешкен Ауғанстанның қасіреті баяндалған.