Құрма — сан түрлі дерттің таптырмас шипасы. Олай болса құрма
Құрма — сан түрлі дерттің таптырмас шипасы. Олай болса құрма жайлы не білеміз?
Құрма көбіне ыстық климатты аймақтарда өсіріледі. Құрма өсіру шаруашылығымен айналысатын негізгі елдер: Сауд Сауд Арабиясы, Ирак, Алжир, Мысыр, Судан болып табылады. Құрманың 500-ге тарта түрі бар. Құрманы тұқымынан өсіргенде 5 — 7 жылда, ұластырылғандары 3 — 4 жылда жеміс береді. Ерекше көрік беріп тұрған төбе жағындағы әдемі шашақты жапырақтарының ұзындығы 5 метрге дейін жетеді. Салмағы 8 кг-ға дейін жететін бір шоғырына мыңнан аса жеміс бітеді. Әр ағашынан 40-80 кг жеміс алуға болады. Шамамен 150 жылға дейін өмір сүреді.
ҚҰРМА ЖЕМІСІНІҢ ШИПАЛЫҚ ҚАСИЕТТЕРІ:
МИДЫҢ ЖҰМЫС ІСТЕУ ҚАБІЛЕТІН АРТТЫРАДЫ. Есте сақтау қабілетін жақсартады.
ҚАТЕРЛІ ІСІКТЕН САҚТАЙДЫ. Талшықты жемістердің қатерлі ісікке шалдығу қаупін төмендететін зерттеулер көрсеткен. Құрмаларда көп мөлшерде талшық болады.
АНТИОКСИДАТТЫҢ ҚАЙНАР КӨЗІ. Антиоксиданттар қатерлі ісік, тамырдың бітелуі және қартаюдың алдын алуда өте пайдалы.
ХОЛЕСТЕРИНГЕ ПАЙДАЛЫ. Жүрек-қан тамырларының қатаюының алдын алады. Одан бөлек қанды тазалайды және қан қысымын да реттейді.
ҒАЖАП ЖЕМІС. Зерттеулер нәтижесінде құрманың антисептик дәрі екені, жараларды тез жазатын, сүтті арттыратын, нәрестені қоректендіретін, құрамындағы калий балалардың өсіп-жетілуін қамтамасыз ететін таптырмайтын азық екені анықталған.
КАРОТИННІҢ КӨПТІГІ ТЕРІГЕ ДЕ ПАЙДАЛЫ. Бетке безеу шыққанда, бетте ұсақ тесіктер пайда болғанда олармен бірден-бір күресуші құрма жемісі болып табылады. Бұл жемістен бетке маска жасаған да, денеге арналған гель қолданған да пайдалы. Ол денені ылғалдандырады және жасартады.
ҚАНДАҒЫ ҚАНТ МӨЛШЕРІН АРТТЫРМАЙДЫ. 2003 жылы жасалған зерттеуде құрмалардың гликемия (қанда қант мөлшері) көрсеткішінің төмен екендігі анықталды.
ҚАН АЗДЫҚҚА ПАЙДАЛЫ. Темірге бай болғандықтан бір адам күніне 15 дана құрма жесе, денедегі темір қажеттілігін қамтамасыз еткен болады және темір жетіспеушілігінен пайда болатын аурулардан сақтанған болады.
ФОСФОР МЕН КАЛЦИЙГЕ БАЙ. Құрамындағы фосфор мен калцийдің молдығы қаңқа сүйектерінің қалыптасуында және сүйек құрылысының тепе-теңдігін сақтауда маңызды рөл атқарады. Фосфор мен калцийдің көптігі сүйек ауруларынан қорғайды.
БАУЫРДЫҢ ЖҰМЫСЫН ЖАҚСАРТАДЫ. B1, B2 витаминдерінің қатар кездесуі бауырды сауықтырады. Бауыр суық жемістерді жақсы көретіндіктен құрманы қауын, қиярмен жеген жақсы болады.
АСҚАЗАН ЖАРАСЫН ЕМДЕЙДІ. Асқазан жұмысын жақсартады. Кейбір мемлекеттерде асқазан жарасын емдеу үшін құрма арнайы тәжірибеден өткен.
БҮЙРЕКТІҢ ЖҰМЫСЫН ЖАҚСАРТАДЫ. Қуық және бүйрек қабынуында шипа болады. Суы бүйрек тастарының ыдырауына өте пайдалы.
АС ҚОРЫТУҒА ПАЙДАЛЫ. Тойымдылық қасиеті өте жоғары.
МИДЫ ЖӘНЕ ЖҮЙКЕ ЖҮЙЕСІН ТЫНЫҚТЫРАДЫ. Олардың жұмыс істеу қабілетін жақсартып, сергіткіш әсер береді.
БРОНХ ПЕН ӨКПЕНІҢ ҚАБЫНУЫН САУЫҚТЫРАДЫ. Жеміс бета-каротинге бай болғандықтан, тыныс алу жүйесін қамтамасыз етеді.
ҚАЛҚАНША БЕЗІ АУРУЫНА ШИПА. Құрамында йод көп болғандықтан қалқанша безі ауруына шипа болып табылады.
Күніне 1 құрма жеу ағзаны магниймен байытады, ұйқының тыныштығын қамтамасыз етеді. Ал фруктоза мен глюкоза көңіл күйді көтереді.
